web counter
LEXO PA REKLAMA!

SHKARKO APP

App Store
Google Play

E fundit!

x

“Solle mbështetësit me kamion në protestë”/ Gjergj Luca ironizon Kurtin: Kompanisë time do t’i vendos emrin tënd

21 Qershor 2026, 12:11, Aktualitet CNA

“Solle mbështetësit me kamion në protestë”/

Biznesmeni Gjergj Luca ka bërë një postim në rrjetet sociale ironizues për kryeministrin në detyrë të Kosovës, Albin Kurtin. Luca shprehet në videon e postuar se Kurti solli në protestën para Kryeministrisë një kamion me mbështetësit e tij.

Biznesmeni shton se si shpërblim për dorëheqjen do t’i ndërrojë emrin kompanisë së tij nga “Rozafa” në Albin. Duke vijuar me ironinë, sipas tij Kurti e meriton se nuk është as xheloz e as cinik. 

“Nadja e mirë Albin Kurti. Duke parë mbrëmë atë kamion plot me mbështetësit e tu që erdhën në qendër e në shesh të Tiranës, këtu përpara Konicës së madh unë kam dëshirë të lajmëroj që sot kam vendos që emrin e firmës time Rozafa që kemi 35 vjet duke e ndërtuar këtë kështjellë dua ta ndërroj.

Dua ta ndërroj, ta bëj Albin. Pra Gjergji i vogël do t’i bëjë peshqesh Albinit të madh emrin e kompanisë së tij. Për të gjithë ju që nuk e dini se ccfarë do të thotë emri “Rozafa” me dy fjalë po jua shpjegoj se ishin tre vëllezër, njësoj sicc jemi ne sot, Shqipëria, Kosova dhe një pjesë e Maqedonisë.

Këta luftonin fort gjatë ditës për të bërë një kështjellë të shëndetshme dhe të fortë, me gur të fortë për t’i shërbyer kombit shqiptar. U gdhinë dhe panë krejt gurët e kështjellës të rrëzuar përtokë. I her, dy pesë e shtatë. Vendosën me bo një kurban. Në atë kurban pati tradhti. Ça t’ju them miqtë e mi. Sa herë vendosim për tu bërë bashkë e për të bërë një komb të fortë na del gjithmonë një burrë që na shemb kështjellën tonë.

Kështu që kështjella ime të qëndrojë dhe të jetë e fortë e të përparojë dua t'ja vë emrin Albin. Se po ja vura këtë emër të madh të kombit shqiptar kështjella jonë nuk ka për tu prish më.

Edhe unë kam protestuar për vëllain në Kosovë. Kam protestuar në mes të Beogradit në takimin e parë pas 100 vjetëve, kam qenë në rresht të parë kur kam dëgju nga ky idealisti, vëllai i madh që po doni me e prish kështjellën e nanës Shqipëri. Kam dëgju se ccfarë ka bërë për vëllain në Kosovë. Kamqenë dhe unë në Hagë tek presidenti që ka bërë dhe inspiru luftën dhe ka protestu i vetëm me gjithë forcën e shpirtit. Rroftë Kosovë, rroftë nëna Shqipëri, rroftë kombi shqiptar. Albin e meriton këtë nder”, shprehet Luca në video. /CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga