E fundit!

16:16 Aktualitet

Faktet/ Pse Veliaj vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

Situata nga përmbytjet në Pogradec/ Prezencë uji në katet e para në lagjen “1 Maji”

26 Nëntor 2025, 20:44, Aktualitet CNA

Situata nga përmbytjet në Pogradec/ Prezencë uji në katet e

Në Bashkinë e Pogradecit vijon puna në terren për evidentimin e problemeve të shkaktuara nga përmbytjet. Sipas njoftimit të mëposhtëm, po kryhet hartimi i proceseve verbale pranë familjeve të prekura, ku janë evidentuar raste të reja.

Njoftohet se në tre familje, mmjetet e rënda nuk kanë akses për dërgimin e ndihmave, për shkak të problemeve të shkaktuara në lumin e Verdovës dhe të Rremenjit. Bëhet me dije se në qytet ka pasur prezencë uji në katet e para të pallateve në zonën “1 Maji”

Njoftimi i Bashkisë Pogradec:

Vijon puna intensive në terren.

Po kryhet hartimi i proceseve verbale pranë familjeve të prekura, ku janë evidentuar raste të reja. Problematika në Lumin e Verdovës dhe të Rremenjit, në tre familje ku mjetet e rënda nuk kanë akses.

Po punohet me mini-fadromë 3.5 T të firmës private “REI shpk”, në bashkëpunim me njësitë administrative. Sipas njoftimeve të deritanishme, akset rrugore në territor janë të kalueshëm.

Në qytet janë evidentuar probleme me prezencë uji në katet e para të pallateve në zonën “1 Maji”. Është depozituar kërkesë pranë SHGjSH për ekspertizë lidhur me rezervuarin Grunjas.

Është konstatuar masiv shkëmbor me risk potencial në hyrje të qytetit të Pogradecit janë marrë masat për sigurinë e zonës.

Nga inspektimi në terren u konstatua se subjekti “2T” vijon punën intensive për pastrimin e masivit shkëmbor nga shtrati i rrugës në aksin Qafë Plloçë – Qukës, me qëllim mundësimin e kalueshmërisë së sigurt dhe pa problematika. /CNA