web counter
LEXO PA REKLAMA!

SHKARKO APP

App Store
Google Play

E fundit!

x

Situata në pikën kufitare të Kapshticës/ Flasin qytetarët

22 Dhjetor 2024, 15:14, Aktualitet CNA

Situata në pikën kufitare të Kapshticës/ Flasin

Ndonëse pritej një fluks i lartë në pikat e kalimit kufitar të vendit tonë, situata në doganën e Kapshticës mbetet shumë e qetë sa u përket lëvizjeve të mjeteve dhe fluksit.

Ditën e sotme, në Kapshticë ka pasur qarkullim të shpejtë të mjeteve, për shkak edhe të masave të marra nga policia për të vënë në dispozicion të gjitha sportelet në mënyrë që të mos krijohet radhë e qytetarët të mos presin me orë të tëra.

Vetë drejtuesit e mjeteve që vijnë nga shteti grek kanë treguar se festat janë arsyeja që rikthehen në Shqipëri, ndërsa nuk kanë pritur në radhë në këtë doganë.

"Rruga shumë mirë, rehat. Po vijmë për festa. Themi të qëndrojmë 2 javë, deri nga data 5-6 janar. Situata në doganë ishte shumë mirë, erdhëm shumë rehat sot. Jemi nga Elbasani, aty do të shkojmë. T'ia kaloni mirë dhe gëzuar festat, një vit të mbarë!"

"Po vijmë nga Athina. Rruga shumë mirë, qarkullim s'ka. Nuk pritëm fare në doganë. Do qëndrojmë 2 javë për festat. Kemi mall për vendin tonë, vijmë e shikojmë dhe prindërit. Në doganë nuk pritëm fare, 3 makina ishim. Po shkojmë në Korçë, për festa vijmë çdo vit."

"Vijmë nga Selaniku. Nuk kishte radhë, për 5 minuta kaluam në doganë."

Pritet që fluksi më i lartë të jetë në vigjilje të Krishtlindjes e më pas në ditët e fundit të vitit. Në 48 orët e fundit, në doganën e Kapshticës kanë hyrë rreth 11 mijë emigrantë, të cilët do të kalojnë festat pranë familjeve të tyre në Shqipëri./ CNA





Lajmet e fundit nga