web counter
LEXO PA REKLAMA!

SHKARKO APP

App Store
Google Play

E fundit!

x

Si ndikoi McGonigal t'i hiqej licensa kompanisë ruse që përfaqësonte ish-bashkëshorti i Albana Vokshit

2 Shkurt 2023, 20:15, Aktualitet CNA
Si ndikoi McGonigal t'i hiqej licensa kompanisë ruse që
Ish-zyrtari i lartë i FBI-së, Charles McGonigal

Prej ditësh është denoncuar në media se si ish-zyrtari i lartë i FBI-së, Charles McGonigal, i ka shtrirë tentakulat e tij në të gjithë Shqipërinë.

Pas denoncimeve të opozitës për lidhjet me Ramën dhe një sërë politikanësh e biznesmenësh, së fundmi është zbuluar një tjetër bëmë e ish-zyrtarit të FBI-së.

Sipas gazetes “Tema”, McGonigal ka ndikuar që t'i hiqej licensa ish-bashkëshortit të deputetes demokrate, Albana Vokshi, i cili përfaqësonte oligarkun rus Robert Nowikovsky.

Në artikkullin e kësaj medie thuhet se ish-zyrtari i FBI-së, i ka kërkuar kryeministrit Edi Rama në vjeshtën e vitit 2017 të pezullonte kërkesën e kompanisë “Jurimex”, pronë e oligarkut rus Robert Nowikovsky , i lidhur ngushtë me Putinin.

Si ndikoi McGonigal t'i hiqej licensa kompanisë ruse që

Në Tiranë, kompania përfaqësohej nga Arian Tartari, ish-bashkëshorti i Vokshit dhe kishte aplikuar për të marrë me koncesion disa fusha naftëmbajtëse në jug të vendit qysh në vitin 2016, por procedura kishte ngelur peng në Minstrinë e Energjitikës dhe Infrastrukturës.

McGonigal i ka kërkuar Ramës të bëjë kujdes me kompanitë guaska me pronarë rusë, të cilat duan të operojnë në Shqipëri, duke i përmendur me emër rastin konkret dhe më pas u ndërpre procedura, duke mos licensuar kompaninë “Jurimex”.

Për këtë çështje, Arian Tartari ka paditur qeverinë në arbirtrazh për shkelje të barazisë në dhënien e lincensës./ CNA.al





Lajmet e fundit nga