web counter
LEXO PA REKLAMA!

SHKARKO APP

App Store
Google Play

E fundit!

x

Si mashtrohet me raportimet për protestuesit që vijnë në Tiranë

8 Maj 2026, 13:02, Aktualitet CNA

Si mashtrohet me raportimet për protestuesit që vijnë në

Sa herë opozita organizon protesta në Tiranë, paralelisht nis edhe “beteja” e numrave. Në deklarata politike, postime në rrjete sociale apo raportime pranë strukturave partiake, flitet për mijëra qytetarë që “vërshojnë” nga qarqet drejt kryeqytetit. Korça, Fieri, Elbasani apo Shkodra përmenden shpesh si zona me “mobilizim të lartë”.

Por verifikimet në terren tregojnë se realiteti jo gjithmonë përputhet me propagandën politike.

Gjatë ditës së sotme, interesimi është përqendruar te Korça, një nga qytetet që tradicionalisht përmendet në raportime si bazë mobilizimi për protestat e opozitës.

Megjithatë, burime dhe verifikime direkte tregojnë se nga Korça drejt Tiranës janë nisur vetëm 6 persona, kryesisht deputetë dhe individë të afërt me strukturat politike.

Sipas informacioneve të siguruara, numri i të nisurve ka qenë rreth 6 persona, ndërsa nuk është konstatuar asnjë organizim me autobusë apo furgonë, praktikë që zakonisht përdoret në rastet kur synohet pjesëmarrje masive në protesta.

Kjo situatë bie në kontrast të fortë me pretendimet që qarkullojnë në media apo në deklarata politike, ku flitet për mbështetje të gjerë dhe fluks protestuesish nga Korça drejt Tiranës.

Nga ana tjetër, është një fakt kokëfortë që rrëzon pretendimet për "vërshime" protestuesish drejt Tiranës.

Partia Demokratike në Korçë vazhdon të jetë e përçarë dhe me probleme organizative. Mungesa e një drejtimi të konsoliduar, konfliktet e brendshme dhe dobësimi i strukturave lokale kanë ndikuar ndjeshëm në aftësinë për mobilizim.

Në këtë kontekst, pretendimet për pjesëmarrje masive duken më shumë si pjesë e një strategjie politike dhe mediatike për të krijuar perceptimin e një mbështetjeje të madhe popullore për protestën.

Fenomeni i fryrjes së shifrave nuk është i ri në politikën shqiptare.

Pikërisht për këtë arsye, verifikimet në terren marrin rëndësi të veçantë, pasi ndajnë realitetin nga narrativa politike.

Ndërkohë, nga Korça pritet minimalisht të vijnë në Tiranë vetëm deputetët e këtij qarku dhe nuk dihet nëse do të jetë i pranishëm edhe Ilir Vrenozi, i cili njihet si mbështetës demokrat./ CNA





Lajmet e fundit nga