web counter
LEXO PA REKLAMA!

SHKARKO APP

App Store
Google Play

E fundit!

x

Pas aksidentit tragjik, PS propozon ndryshime të forta në Kodin Rrugor

8 Maj 2026, 11:04, Aktualitet CNA

Pas aksidentit tragjik, PS propozon ndryshime të forta në Kodin Rrugor

Pas aksidenteve tragjike të ndodhura së fundmi në vend dhe shkeljeve të shumta të rregullave të qarkullimit rrugor nga drejtuesit e mjeteve, Partia Socialiste ka propozuar amendamente të reja për ndryshime në Kodin Rrugor.

Ndryshimet synojnë rritjen e sigurisë në rrugë dhe vendosjen e masave më të ashpra ndaj shkelësve, veçanërisht për drejtuesit e rinj të mjeteve.

Sipas amendamenteve të propozuara:

-Personat që kapen duke drejtuar mjetin pa patentë do t’u shtyhet për një vit pajisja me leje drejtimi.

-Për shoferët e rinj nuk do të lejohet asnjë nivel alkooli në gjak gjatë dy viteve të para të pajisjes me patentë.

-Drejtuesit që kapen me mbi 0.5 gram alkool në gjak do të përballen me heqje të përhershme të patentës.

-Shoferët e rinj, deri në dy vite nga marrja e patentës, nuk do të lejohen të qarkullojnë me shpejtësi mbi 90 km/h.

-Gjithashtu, drejtuesit e rinj nuk do të mund të drejtojnë mjetin nga ora 24:00 deri në 06:00 pa praninë e një shoqëruesi të pajisur me patentë.

Këto masa pritet të debatohen në komisionet parlamentare përkatëse, ndërsa synimi kryesor mbetet ulja e numrit të aksidenteve dhe rritja e disiplinës në qarkullimin rrugor.





Lajmet e fundit nga