web counter
LEXO PA REKLAMA!

SHKARKO APP

E fundit!

x

Shpërthimi në Lushnjë/ Prokurorët në vendngjarje, dëme në banesat përreth

2 Mars 2024, 09:11, Aktualitet CNA
Shpërthimi në Lushnjë/ Prokurorët në vendngjarje,
Foto nga vendi i ngjarjes

Për shpërthimin që ndodhi një ditë më parë në vendin e quajtur "Rrethrrotullimi i Plasmasit" në Lushnje, ku humbën jetën babë e bir dhe ngelën të plagosur 7 të tjerë mes tyre dhe deputeti socialist Bujar Çela, autoritetet po kryejnë verifikime.

Mësohet se një grupi hetimor nga Prokuroria e Fierit, Inspektoriati Shteteror teknik dhe Industrial, Njësia anti-eksploziv,  Policia e Lushnjës dhe inxhinierë të OShEE ndodhen në vendngjarje për zbardhjen e shkaqeve. 

Në lidhje me shpërthimin kanë folur edhe banorët e zonës të cilët janë shprehur se në banesat e tyre ka shumë dëmtime. 

"Dyert e dritaret janë thyer, s'kemi ku të rrimë. Ka qenë tamam si shpërthimi i Gërdecit", u shpreh një nga banoret. 

Ngjarja: 

Ishte ora 15:30 e 1 marsit kur vinçni ka rënë në kontakt me linjën e tensionit të lartë 110 kv që kalonte sipër magazinës ka ndodhur shpërthimi që i mori jetën babë e bir ndërsa plagosi 7 të tjerë mes tyre dhe deputetin socialist Bujar Çela, i cili është edhe pronar i magazinës.

Dyshohet se mund të ketë pasur bombola oksigjeni në këto ambiente pune që kanë nxitur shpërthimin e fuqishëm.

Të 4 të plagosurit në spitalin e Lushnjës janë mirë nga gjendja shëndetësore./CNA 

 

 

 

 

 

 





Lajmet e fundit nga