web counter
LEXO PA REKLAMA!

SHKARKO APP

App Store
Google Play

E fundit!

x

"Shishe me alkool brenda qelive në Fushë-Krujë"/ Drejtoria e Burgjeve reagon pas deklaratave të Berishës

5 Maj 2026, 21:04, Aktualitet CNA
"Shishe me alkool brenda qelive në Fushë-Krujë"/
Pamje nga konferenca e sotme e Sali Berishës nga selia e PD

Drejtoria e Përgjithshme e Burgjeve ka reaguar lidhur me deklaratat e kryetarit të PD-së, Sali Berisha, i cili në konferencën e sotme për mediat publikoi pamje të disa shisheve me alkool që sipas tij ishin filmuar në qelitë e burgut të Fushë-Krujës.

“Jemi në burgun e Fushë-Krujës, shikoni si është aty, bar. Kjo është dhomë burgu, nuk është market. Është burgu i banditit të partisë. Shikoni pak se çfarë bëhet, kokainë, danc, kujtoni atë tjetrin në kafaz. Këta janë vrasës, mbi këta rëndojnë dhjetëra vrasje në atë qeli. Shikoni pijet dhe çdo gjë, kurse tjetri në kafaz, ish-kryeministri. Asnjë nga mediat e kontrolluara nga qeveria nuk e dha. Ja pra shikoni, se këta i kanë burgjet në dorë”, tha Berisha. 

Në reagimin e Drejtorisë së Burgjeve thuhet se përmbajtja e publikuar nga Berisha është e pavërtetë. Ndërkohë shtohet më tej se në burg nuk ekziston një ambient i tillë dhe nuk tolerohet  prania apo konsumimi i sendeve të ndaluara, përfshirë alkoolin.

“Lidhur me pretendimin e shpërndarë së fundmi nga z. Sali Berisha për një video të paraqitur si ambient brenda IEVP Fushë-Krujë, sqarojmë se përmbajtja është e pavërtetë dhe dashakeqe. Në institucionet e ekzekutimit të vendimeve penale nuk ekzistojnë ambiente të tilla dhe nuk tolerohet, në asnjë rrethanë, prania apo konsumimi i sendeve të ndaluara, përfshirë alkoolin. Pretendime të kësaj natyre synojnë të dezinformojnë opinionin publik dhe të dëmtojnë imazhin e sistemit penitenciar. Gjatë kohëve të fundit, Drejtoria e Përgjithshme e Burgjeve ka intensifikuar kontrollet e befasishme dhe masat parandaluese kundër çdo forme paligjshmërie, me rezultate konkrete dhe të verifikueshme. Jemi të ndërgjegjshëm se nuk jemi ende aty ku duam, por vullnetin e kemi të palëkundur. Drejtoria e Përgjithshme e Burgjeve inkurajon denoncimin e çdo shkeljeje dhe bashkëpunimin me autoritetet përkatëse, por dënon shpërndarjen e materialeve të rreme, të cilat cenojnë besimin publik dhe përpjekjet institucionale për forcimin e sigurisë dhe respektimin e ligjit në sistemin penitenciar”, thuhet në reagimin e "Burgjeve".

"Shishe me alkool brenda qelive në Fushë-Krujë"/

Kujtojmë se pak ditë më parë u publikua një video-skandal, e filmuar qelitë e burgut të Durrësit ku disa prej emrave më të njohur të botës së krimit, si Lul Berisha, Fehmi Mziu, Islam Kasa, Astrit Avdylaj, dhe persona të afërt me Kel Arapin shihenin me celularë dhe duke festuar me muzikë, drogë dhe alkool. /CNA





Lajmet e fundit nga