web counter
LEXO PA REKLAMA!

SHKARKO APP

App Store
Google Play

E fundit!

x

Çështja “Gërdeci”/ Mediu: Prokuroria po e kthen këtë proces në absurd

5 Maj 2026, 17:29, Aktualitet CNA

Çështja “Gërdeci”/ Mediu: Prokuroria po e kthen

Seanca e radhës në procesin gjyqësor për çështjen “Gërdeci” u shoqërua me kundërshtime nga ish-ministri i Mbrojtjes, Fatmir Mediu, ndaj provave të paraqitura nga Prokuroria e Posaçme.

Në fokus të debatit ishin pretendimet e organit të akuzës se vendi i demontimit të municioneve dhe llojet e kalibrave ishin paracaktuar. Mbrojtja e Mediut i hodhi poshtë këto pretendime, duke argumentuar se vendimmarrjet përkatëse nuk janë marrë me dijeninë apo përfshirjen e tij.

Avokati i Mediut theksoi se mungon një bazë e qartë ligjore për ndarjen e kalibrave.

“Paracaktimi është bërë pos njohurive të ministrit mbi faktin dhe pa asnjë involvim të tij në këtë moment dhe e dyta është për kalibrat që se pari nuk ka një përcaktim ligjor që ndan kalibrat në të mëdhenj e në të vegjël”, tha avokati, Ardian Visha.

Nga ana tjetër Mediu e konsideroi të padrejtë përpjekjen për t’i ngarkuar përgjegjësi që, sipas tij, nuk i përkasin funksionit të ministrit.

“Ajo që po ndodh në këtë proces është që Prokuroria ngarkon me përgjegjësi për detyra që nuk kanë qenë të ministrit dhe nuk ka asnjë bazë. Duke e kthyer këtë në absurd”, tha ish-ministri Mediu.

Nga ana tjetër, SPAK thotë se Mediu, në bashkëpunim me persona të tjerë, ka favorizuar kompani të përfshira në procesin e çmontimit të municioneve në Gërdec. Ish-ministri vijon t’i mohojë akuzat./ CNA





Lajmet e fundit nga