web counter
LEXO PA REKLAMA!

SHKARKO APP

App Store
Google Play

Shi dhe dëborë në Qarkun Shkodër/ Bllokohet rruga në Vukpalaj, prani uji në Obot

8 Janar 2026, 09:00, Aktualitet CNA

Shi dhe dëborë në Qarkun Shkodër/ Bllokohet rruga në

Territori i Qarkut Shkodër është një ndër më të prekurit nga situata e krijuar nga kushtet e motit. 

Reshjet e shiut kanë qenë me intensitet të ulët dhe në pjesën më të madhe të territorit kanë pushuar, ndërsa problematikat e evidentuara mbeten të lokalizuara. 

Në Bashkinë Shkodër është konstatuar rënie e prurjeve të lumit Drin. Në rrugën e Obotit vijon të ketë prezencë uji, ndërsa është shtuar sipërfaqja e tokave me ujë, pa problematika të tjera të raportuara deri në këto momente. Gjatë natës janë regjistruar reshje dëbore në zonat malore, konkretisht në aksin Bogë–Theth, ku janë marrë masat e nevojshme për pastrimin dhe kriposjen e rrugës.

Në Bashkinë Vau i Dejës, si rezultat i reshjeve me intensitet të ulët, aktualisht nuk raportohen problematika të emergjencave civile. 

Situata në Bashkinë Malësi e Madhe paraqitet e qetë, me reshje të pakta shiu dhe reshje dëbore në zonat malore të Njësisë Administrative Kelmend, pa problematika të raportuara. Megjithatë, në fshatin Vukpalaj rruga e aksesit mbetet e bllokuar nga uji në disa ura hyrëse në fshat, me nivel mbi tri metra, ndërsa pjesa tjetër e zonës është e aksesueshme.

Në Bashkinë Pukë reshjet kanë pushuar dhe temperaturat janë të ulëta.

Sipas të dhënave nga Drejtoria e Ujitjes dhe Kullimit Lezhë, reshjet e regjistruara gjatë 24 orëve të fundit kanë qenë rreth 25 mm, ndërsa nivelet e ujit në pikat monitoruese mbeten nën kuotat kritike. Hidrovoret vijojnë funksionimin me kapacitet të plotë dhe argjinaturat nuk paraqesin problematika.





Lajmet e fundit nga