web counter
LEXO PA REKLAMA!

SHKARKO APP

App Store
Google Play

Shkaktuan dëme mjedisore në zonën e mbrojtur/ Ekzekutohen 4 masa sigurie për zyrtarët e AZDM-së Berat

23 Mars 2025, 09:15, Aktualitet CNA

Shkaktuan dëme mjedisore në zonën e mbrojtur/ Ekzekutohen 4 masa

Pas hetimeve për ndërhyrjet e paligjshme në Malin e Tomorrit janë ekzekutuar tri masa sigurie arrest në shtëpi dhe një masë detyrim paraqitje për zyrtarët e Administratës Rajonale të Zonave të Mbrojtura Berat. Janë spallur në kërkim 5 administratorë subjektesh dhe u referuan materialet për drejtorin dhe 1 përgjegjës i AZDM Berat.

Njoftimi i Policisë

Vijojnë hetimet e thelluara për vënien përpara përgjegjësisë penale të personave përgjegjës për dëmtimet në zonën e mbrojtur të malit të Tomorrit.

Ekzekutohen 4 masa sigurie të caktuara nga Gjykata e Beratit, për veprën penale “Shpërdorimi i detyrës”, kryer në bashkëpunim.

Për këtë rast, në muajin nëntor 2024, si rezultat i kontrolleve të ushtruara në malin e Tomorrit, shërbimet e Policisë arrestuan 1 administrator subjekti, vëllain dhe kushëririn e tij, pasi u kapën duke larguar 1 mjet ekskavator me të cilin dyshohet se kishin nxjerrë gurë dekorativë. Gjithashtu u shpallën në kërkim 5 administratorë subjektesh dhe u referuan materialet për drejtorin dhe 1 përgjegjës i AZDM Berat.

Sektori për Hetimin e Krimeve Ekonomiko-Financiare në DVP Berat në bashkëpunim me Prokurorinë Berat, në vijim të hetimeve në kuadër të procedimit penal të regjistruar në muajin nëntor 2024, ka ekzekutuar 4 masa sigurie të caktuara nga Gjykata e Beratit, për veprën penale “Shpërdorimi i detyrës”, kryer në bashkëpunim, si më poshtë:

-masën e sigurisë “Arrest në shtëpi”, për shtetasit:
- F. N., 56 vjeç, banues në Berat, me detyrë drejtor i AZDM Berat;
- S. H., 65 vjeç, banues në Berat, me detyrë përgjegjës monitorimi pranë AZDM Berat;
- L. H., 37 vjeç, banues në Berat, me detyrë përgjegjës pranë AZDM Berat.

-masën e sigurisë "Detyrim paraqitje" , për shtetasin G. Z., 58 vjeç, banues në Skrapar, Specialist zone, në Komisariatin e Policisë Skrapar;

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme./CNA





Lajmet e fundit nga