E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Festa e Sulltan Nevruzit/ Politika uron besimtarët shqiptarë

22 Mars 2025, 12:52, Aktualitet CNA

Ditën e sotme besimtarët bektashinj festojnë Sulltan Nevruzin. Urime për këtë festë kanë ardhur edhe nga figurat politike.

Presidenti i Republikës në mesazhin e tij të urimit uron për begati e mirësi për çdo shqiptar.

“Gëzuar Sulltan Novruzin, të dashur besimtarë bektashinj! Kjo ditë e shenjtë, që vjen së bashku me pranverën, sjelltë begati e mirësi në çdo vatër tuajën dhe të çdo shqiptari”, thuhet në urimin e presidentit Begaj.

Një urim ka ardhur për besimtarët bektashinj dhe nga kryeministri Edi Rama në një postim në rrjetet sociale.

“Për të gjithë besimtarët bektashinj, Gëzuar Ditën e Sulltan Nevruzit”, shkruan Rama.

Kryetari i Partisë Demokratike ka uruar ditën e Sulltan Nevruzit. Berisha uron që Sulltan Nevruzi i ardhshëm të jetë pa narkoshtetin e Sulltan Salep Surrelit, referuar qeverisjes së Ramës.

“Gëzuar Ditën e Sulltan Novruzit!

Të dashur miq,

Bektashinjve shqiptarë ju uroj nga zemra gëzuar këtë ditë të madhe dhe të bekuar, Sulltan Novruzin.

Kjo ditë, për bektashinjtë dhe për të gjithë besimtarët e Zotit, është një ditë besimi, mbarësie dhe shprese të pashuar! Është dita e lindjes dhe jetës, një moment për të reflektuar dhe për të shpresuar për një të ardhme më të mirë.

Le të urojmë që Sulltan Novruzi i ardhshëm të na gjejë më mirë, në paqe, harmoni dhe pa narkoshtetin e Sulltan Salep Surrelit”, shkruan Berisha.

Kryetari i Partisë së Lirisë, Ilir Meta ka uruar gjithashtu Sulltan Nevruzin. Në një postim në rrjetet sociale, Meta uron mbarësi dhe begati dhe shprehet se pranvera dhe demokracia triumfojnë përherë.

“Në këtë ditë të bekuar feste dhe optimizmi, që përkon me lindjen e Imam Aliut, uroj përzemërsisht të gjithë besimtarët bektashianë: Gëzuar Festën e Sulltan Nevruzit! Shëndet, mbarësi dhe begati në çdo familje shqiptare! Pranvera dhe Demokracia, triumfojnë përherë”, shkruan Meta./ CNA