web counter
LEXO PA REKLAMA!

SHKARKO APP

Legalizimi i lojërave të fatit/ DASH: Mbikëqyrja e dobët mund të lejojë përfshirjen e krimit

21 Mars 2025, 19:47, Aktualitet CNA

Legalizimi i lojërave të fatit/ DASH: Mbikëqyrja e dobët

Në raportin e DASH për Strategjinë e Kontrollit Ndërkombëtar të Narkotikëve janë evidentuar dobësitë dhe metodologjitë e pastrimit të parave në Shqipëri.

Në raport përmendet legalizimi i basteve sportive, ligj për të cilin DASH shprehet se ngre shqetësimi për shkak të mbikëqyrjes së dobëtr, e cila mund të sjellë përfshirjen e krimit të organizuar në bastet sportive.

Shumica e pastrimit të parave në Shqipëri lidhet me trafikimin e drogës dhe njerëzve, mashtrimin me kontratat qeveritare, evazionin fiskal dhe kontrabandën. Ekonomia kryesisht e bazuar në para të thata, kontrollet e dobëta kufitare dhe ligjzbatim i dobët doganor lehtësojnë një treg të zi për mallrat e kontrabanduara. Paratë e dërguara nga jashtë (remitancat) dhe investimet nga jashtë ndonjëherë fshehin burimet e fondeve. Kriminelët pastrojnë të ardhurat përmes blerjeve të pasurive të paluajtshme, projekteve të ndërtimit, aseteve virtuale dhe zhvillimit të bizneseve.

Më 15 shkurt 2024, parlamenti legalizoi bastet sportive, duke përmbysur ndalimin e vitit 2018. Ligji i ri, i cili hyri në fuqi më 27 mars 2024, legalizon bastet sportive vetëm në mjedis online dhe do të japë 10 licenca për kompani me reputacion. Ligji i ri ngre shqetësime se mbikëqyrja e dobët mund të lejojë krimin e organizuar të depërtojë në këtë aktivitet. Lojërat e fatit në kazino mbikëqyren nga Agjencia e Mbikëqyrjes së Lojërave të Fatit”, thuhet në raport./ CNA





Lajmet e fundit nga