E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Gjyqi me Bollino-n/ Paralajmëron Këlliçi: Në seancën tjetër do të prezantojmë fakte dhe dokumente

20 Mars 2025, 13:56, Aktualitet CNA

Gjyqi me Bollino-n/ Paralajmëron Këlliçi: Në seancën

Drejtuesi politik i PD-së për Tiranën, Belind Këlliçi

Drejtuesi politik i PD-së për Tiranën, Belind Këlliçi, pas daljes nga seanca gjyqësore me botuesin Carlo Bollino, ka deklaruar se pretendimet e palës që ka ngritur akuzat ndaj tij janë të motivuara nga përpjekja për të intimiduar dhe mbyllur gojën opozitës.

Këlliçi është shprehur se u qëndron denoncimeve të bëra në lidhje me vjedhjen e truallit prej 4120 metrash katrorë në njësinë numër 7, ku është lënë pa shkollë një zonë me 70 mijë banorë.

Ai bëri me dije se në seancën e radhës që do të jetë në 23 prill ora 09:00 do të flasin me fakte, prova dhe dokumente për të gjitha deklaratat në raport me kallëzimet e bëra.

“Patëm mundësi të njiheshim me të gjitha pretendimet e palës që na ka akuzuar, me Carlo Bollino-n, të cilat në fakt janë vetëm një intimidim për t’i mbyllur gojën opozitës, për t’i mbyllur gojën Belind Kelliçit, Jamarbër Malltezit, Adrianës Kalasë, Sali Berishës apo kujtdo që sot ngre zërin për veprat korruptive dhe për aferat korruptive.

U qëndroj strikt qëndrimeve të mia të kahershme në raport me veprën penale të vjedhjes së truallit prej 4120 metrash katrorë në njësinë numër 7, ku është lënë pa shkollë një zonë me 70 mijë banorë si njësia numër 7, për këtë efekt ne kemi depozituar një kallëzim penal si parti demokratike pranë Prokurorisë së Posaçme që është organi i akuzës.

Në dijeninë tonë dhe bazuar në shkresat zyrtare që jemi informuar është regjistruar vepra penale nga ana e organit të akuzës sot që ne flasim, por ende pa autor.

Ka edhe një kallëzim të dytë në raport me disa fonde të përfituara nga Agjencia Kombëtare e Shoqërisë së Informacionit, të cilat dukshëm shqetësuan zotin Bollino, dhe meqë është i shqetësuar do ta sqarojmë ne në detaje edhe për atë kallëzim dhe thënë kështu, në seancën e radhës që do të jetë në 23 prill ora 09:00, pa diskutim është radha ime në seancën gjyqësore dhe e zotit Malltezi, përfaqësuesit të tij ligjor dhe zonjës Kalaja si përfaqësuesja ime në këtë rast për të folur me fakte, prova dhe dokumente për të gjitha deklaratat e mia, të zotit Malltezi, publike, të bëra në raport me këtë vepër penale”, tha Këlliçi./ CNA