web counter
LEXO PA REKLAMA!

SHKARKO APP

App Store
Google Play

E fundit!

x

“Shpresojmë që me udhëheqjen tuaj, lidhjet midis kishave tona do të forcohen”/ Patriarku i Gjeorgjisë uron Kryepiskopin e ri, Joanin

19 Mars 2025, 20:06, Aktualitet CNA

“Shpresojmë që me udhëheqjen tuaj, lidhjet midis kishave

Patriarku i Gjeorgjisë, Ilia II ka uruar për zgjedhjen si Kryepiskop i ri i Kishës Ortodokse Shqiptare, Fortlumturinë e Tij, Joanin.

Në mesazhin e tij të urimit, Patrarku Ilia II i uron Fortlumturisë së Tij Fuqi shpirtërore dhe urtësi, që të jetë një pasues i denjë i Kryepiskopit të ndjerë, Anastas.

 

Urimi i Patriarkut të Gjeorgjisë

 

Fortlumturia e Tij Joani, Mitropoliti i Tiranës dhe Kryepiskopi i Gjithë Shqipërisë

Fortlumturia Juaj,

Në emër të Kishës Orthodhokse të Gjeorgjisë dhe personalisht, në emrin tim, ju përgëzoj me gjithë zemër për zgjedhjen tuaj si primat i Kishës së Shqipërisë.

Zoti ju dhëntë shëndet, jetëgjatësi, fuqi shpirtërore dhe urtësi, që të përmbushni përgjegjësinë e madhe që ju është besuar, që kështu të jeni pasues i denjë i shërbesës së Fortlumturisë së Tij Anastas.

Shpresojmë që me udhëheqjen tuaj, lidhjet midis kishave tona do të forcohen dhe puna juaj si hierark i drejtues do të jetë frytdhënëse, duke sjellë gëzim për grigjën tuaj edhe për mbarë Orthodhoksinë. 

Zoti ynë Jisu Krisht dhe Nëna e Tërëshenjtë e Zotit ju mbështetshin! 

Me dashuri vëllazërore në Krishtin.

Patriarku i Gjeorgjisë

ILIA II/ CNA





Lajmet e fundit nga