web counter
LEXO PA REKLAMA!

SHKARKO APP

App Store
Google Play

E fundit!

x

Shkeli rregullat në një seancë gjyqësore/ ILD kërkon masë disiplinore për gjyqtaren e Kukësit

18 Mars 2025, 12:25, Aktualitet CNA

Shkeli rregullat në një seancë gjyqësore/ ILD kërkon

Inspektori i Lartë i Drejtësisë, në përfundim të hetimeve, ka kërkuar masë disiplinore për gjyqtaren e Kukësit, Ajshe Xhafa, pasi shkeli rregullat në një seancë gjyqësore.

Sot në Këshillin e Lartë Gjyqësor po zhvillohet seanca dëgjimore për procedimin disiplinor ndaj magjistrates.

Sa u përket arsyeve të nisjes së këtij hetimi, ILD bën me dije se informacioni bazë është pasqyruar në një procesverbal në shtator të vitit të kaluar.

“Ky hetim ka filluar mbi bazën e shqyrtimit të informacionit të pasqyruar në procesverbalin e një mbledhjeje të përgjithshme të gjyqtarëve të shtatorit 2024, gjatë së cilës janë zhvilluar debate mbi disa procese pune në gjykatë”,- bën me dije ILD.

Sipas raportit, ILD vlerëson sjelljen e magjistrates si “shkelje e lehtë disiplinore’ dhe kërkon masën disiplinore “vërejtje publike” për gjyqtaren A.Xh., të parashikuar nga neni 105.

“Inspektori i Lartë i Drejtësisë konkludon se sjellja dhe veprimet e magjistrates A. Xh., në rastin konkret vlerësohen si “shkelje e lehtë disiplinore”. Vetë masa disiplinore përmban parandalimin e posaçëm, në kuptimin që magjistrati në të ardhmen të mos kryejë më shkelje disiplinore; dhe parandalimin e përgjithshëm, në kuptimin që magjistratët e tjerë, të kuptojnë që një sjellje e tillë e papërshtatshme nuk duhet kryer, pasi është e ndëshkueshme me masë disiplinore. ILD kërkon masën disiplinore “vërejtje publike” për gjyqtaren A.Xh., të parashikuar nga neni 105 pika 1 shkronja “b” dhe neni 107 i ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, të  ndryshuar”,- thuhet në raportin e ILD-së./ CNA 

 





Lajmet e fundit nga