web counter
LEXO PA REKLAMA!

SHKARKO APP

App Store
Google Play

Takim i rëndësishëm i kreut të Federatës së Zhytjes, Igli Pustina

18 Mars 2025, 18:40, Aktualitet CNA

Takim i rëndësishëm i kreut të Federatës së

Kreu i Federatës Shqiptare të Zhytjes, Igli Pustina ka zhvilluar një takim të rëndësishëm me Kolonel Fiqiri Hoxhën, kryetar i Qendrës Kombëtare të Krkim-Shpëtimit. Në fokus të takimit ishte angazhimi i strukturave operacionale dhe bashkëpunimi midis QKKSH dhe institucioneve.

Kreu i Federatës së Zhytjes, Pustina shprehu gatishmërinë për të ndihmaur në operacionet e kërkim-shpëtimit dhe theksoi rëndësinë e federatës në aktivitete trajnuese. Ky takim shënon një hap të rëndësishëm për forcimin e kapaciteteve të kërkim-shpëtimit në vend.

Detajet e takimit i ka bërë të ditura Qendra Kombëtare e Kërkim-Shpëtimit me anë të një postimi në rrjetet sociale.

"Me ftesë të Kryetarit të Qendrës Kombëtare të Kërkim-Shpëtimit (QKKSH), Kolonel Fiqiri Hoxha, u zhvillua një takim me Z. Igli Pustina, President i Federatës Shqiptare të Zhytjes.

Gjatë takimit u diskutua mbi shërbimin e kërkim-shpëtimit në Republikën e Shqipërisë, detyrimet e shtetit në këtë fushë, si dhe angazhimin e strukturave operacionale në operacionet SAR. Një vëmendje e veçantë iu kushtua bashkëpunimit ndërinstitucional midis QKKSH, institucioneve shtetërore, ekipeve vullnetare dhe subjekteve private.

Z. Igli Pustina vlerësoi ftesën për bashkëpunim dhe shprehu gatishmërinë e Federatës Shqiptare të Zhytjes për të ndihmuar në operacionet e kërkim-shpëtimit në det dhe në ujërat e brendshme të Shqipërisë. Ai theksoi rëndësinë e përfshirjes së Federatës në aktivitete trajnuese, promovuese dhe stërvitje SAR, duke rritur kapacitetet operacionale dhe koordinimin për ndërhyrje sa më efikase në raste emergjente.

Ky takim shënon një hap të rëndësishëm drejt përmirësimit të bashkëpunimit dhe forcimit të kapaciteteve të kërkim-shpëtimit në vend", thuhet në postimin e bërë nga QKKSH./ CNA





Lajmet e fundit nga