web counter
LEXO PA REKLAMA!

SHKARKO APP

App Store
Google Play

E fundit!

x

Ndarja nga jeta e Vasil Kostës/ Peleshi: Fushata e parë pa një mik të veçantë

20 Mars 2025, 18:10, Aktualitet CNA

Ndarja nga jeta e Vasil Kostës/ Peleshi: Fushata e parë pa një

Deputeti dhe kreu i grupit të PS-së, Niko Peleshi ka shkruar në rrjetet sociale për mungesën e mikut të tij Vasil Kosta, ndarë nga jeta disa muaj më parë. Peleshi thekson se kjo është fushta e parë pa një mik të veçantë.

Në një postim në rrjetet sociale, të shoqëruar edhe më një fotografi që kanë bërë së bashku kohë më parë, Peleshi thotë se Vasil Kosta ishte për të një ndër njerëzit e afërt dhe miqtë e veçantë të tij.

Peleshi thotë se Vasil Kosta, ose Vaska siç e quante ai, ishte një korçar i rrallë, një mik që shqetësohej dhe tek i cili shkonte çdo ditë pas fushatës.

Peleshi shprehet se tani për të do t’i mungojë pika e referimit në fushatat e tij dhe do të krijojë një boshllëk që e ndjejnë edhe politikanët, që para së gjithash janë njerëz.

“Fushatat politike kanë shumë fjalë, shumë premtime, debate, grindje brenda dhe jashtë llojit, shkurt shumë pragmatizëm. Por fushatat fituese kanë disa elemente të tjerë, të padukshëm, që i bëjnë të tilla. Një prej tyre është emocioni, pra vokacioni që buron nga qëllimi i mirë publik.

Pragmatizmi zgjedhor është aq i fortë sa ngelet pak vend për këtë pjesë shpirtërore. Vetëm njerëzit e afërt dhe miqtë e veçantë, shumë të veçantë, ta kuptojnë dhe ta ushqejnë me dashamirësi. Një nga këta, më i veçanti, ishte Vaska. Në fund të çdo dite të lodhshme fushate unë shkoja te salloni i tij. Doja të dëgjoja fjalën e mirë dhe të butë të një korçari të rrallë, të një socialisti shumë më të vjetër se unë (ndonjëherë më dukej si socialisti i pari dhe socialisti i fundit), të një miku që shqetësohet për shqetësimet e tua sikur të ishin të tijat. Nuk i harroj sytë e Vaskës që tentonin të depërtonin në parashikimet e mia për rezultatin, pak para se të fillonte numërimi i votave.

Këtë herë Vaska, pika e referimit në fushatat e mia, do të mungojë.

Mbase pakkush e kupton madhështinë e njeriut të thjeshtë por unë vendosa ta ndaj me ju këtë ndjesi boshllëku, edhe si apel për të mos harruar se para se të jemi politikanë, jemi njerëz me zemër.

Mbase na vlen të gjithëve për t'u bërë më të mirë”,-shkruan Peleshi./CNA

 

 





Lajmet e fundit nga