E fundit!

11:43 Aktualitet

Vrau me thikë fqinjin/ Gjykata e Durrësit cakton masën e sigurisë për 25-vjeçarin

Gjykata e Durrësit ka caktuar masën e sigurisë “arrest në ...

Anulohet për dy ditë lundrimi i anijeve të linjës Vlorë - Brindisi - Vlorë/ Shkak moti i keq

22 Mars 2025, 16:47, Aktualitet CNA

Anulohet për dy ditë lundrimi i anijeve të linjës Vlorë

Autoriteti Potual Vlorë me anë të një njoftimi ka bërë të ditur se do të ndalohet lundrimi në datat 23 dhe 24 mars. Shkak për ndalimin e lundrimeve është situata hidrometeorologjike, e cila është parashikuar të përkeqësohet nga data 23 deri më 25 mars.

Ndalimi i lundrimit përfshin mjetet e vogla lundruese dhe mjetet e peshkimit. Në njoftimin e bërë nga Autoriteti Portual thuhet se anulimi i anijeve të linjës Vlorë - Brindisi - Vlorë bëhet deri në përmirësimin e kushteve të motit.

“Në bazë të parashikimit për situatën hidrometeorologjike të përkeqësuar brenda dhe jashtë gjirit të Vlorës, gjatë datave 23-25.03.2025 duke filluar nga ora 08:00 datë 23.03.2025 në drejtimin JUG-JUG-LINDJE në forcën deri 8-9bft me shpejtësi ere deri 25-40m/s dhe lartësi dallge nga 2.50 deri 4.50 metra.

Me qëllim parandalimin e çdo situate të papritur për shkak të kushteve atmosferike, kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gadishmerisë së ekuipazhit në mjetet lundruese.

1.Është ndaluar paisja me leje-nisje i mjeteve te vogla lundruese dhe ato te peshkimit të cilat operojnë në det të hapur duke filluar nga ora 06:00 DATË 23.03.2025.

2.Të gjithë drejtuesit e mjeteve të vogla lundruese dhe anijeve të peshkimit që operojnë brenda dhe jashtë gjirit të vlorës të marin në konsideratë kushtet hidrometeorologjike dhe marjen e masave për sigurimin e tyre.

3.Anijet e transportit ndërkombëtar detar për pasagjer dhe automjete në linjën Vlorë - Brindisi - Vlorë, do të anullohet deri në përmirësimin e kushteve hidrometeorologjike detare e cila do të jetë mbas orës 22:00 të datës 24.03.2025.

4.Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 08:00 të datës 25.03.2025", thuhet në njoftim./ CNA