web counter
LEXO PA REKLAMA!

SHKARKO APP

App Store
Google Play

E fundit!

x

Senati amerikan "rrëzon" David Kostelancik/ Nuk e miraton ambasador në Shqipëri

4 Janar 2024, 15:26, Aktualitet CNA
Senati amerikan "rrëzon" David Kostelancik/ Nuk e miraton
David Kostelancik

Senati amerikan nuk e ka miratuar emërimin e David Kostelancik si ambasador i Shteteve të Bashkuara të Amerikës në Shqipëri.

Presidenti i Shteteve të Bashkuara të Amerikës, Joe Biden, miratoi në janar të 2023-shit kandidaturën e Kostelancik.

Por, në faqen e Kongresit Amerikan thuhet se në 3 janar të këtij viti propozimi është kthyer te Presidenti.

Senati i ka kërkuar Presidentit të SHBA-së, Joe Biden, që të miratojë një kandidat të ri për postin e ambasadorit amerikan në Shqipëri.

Senati amerikan "rrëzon" David Kostelancik/ Nuk e miraton

David J. Kostelancik është diplomat i Shërbimit të Jashtëm të Lartë të Shteteve të Bashkuara të Amerikës, me gradë Këshilltar Ministër.

Ai ka nisur të shërbejë si këshilltar për politikën e jashtme të Kryetarit të Shefit të Shtabit të Përbashkët, Gjeneral Mark Milley, në gusht 2021.

Më herët ai ka qenë Zëvendësshef i Misionit, dhe për dy vjet, si i Ngarkuar me Punë në ambasadën e SHBA-së në Budapest, në Hungari.

David Kostelancik ka qenë i emëruar në Departamentin e Shtetit Amerikan si Drejtor i Zyrës për Çështjet e Evropës Jugore – Qendrore. Ai ka shërbyer si Drejtor i Zyrës së Çështjeve Ruse, në Byronë e Çështjeve Evropiane dhe Euroaziatike.

Gjithashtu ka qenë Drejtor i Zyrës së Evropës dhe Azisë në Byronë Ndërkombëtare të Narkotikëve dhe Çështjeve të Zbatimit të Ligjit.

Ai ka shërbyer dy herë në ambasadën e SHBA-së në Moskë, ndërsa është njohës shumë i mirë i gjuhës shqipe, ruse dhe asaj turke./ CNA





Lajmet e fundit nga