web counter
LEXO PA REKLAMA!

SHKARKO APP

App Store
Google Play

E fundit!

x

Video - Pengesat e rrugës bllokojnë qarkullimin në hyrje të Elbasanit/ Bashkia “bën sehir”

3 Janar 2024, 18:49, Aktualitet CNA

Video - Pengesat e rrugës bllokojnë qarkullimin në hyrje të

Në hyrje-dalje të qytetit të Elbasanit në drejtimin e Librazhdit, në fshatin Mengël ka pasur radhë të gjata mjetesh gjatë festave të fundvitit dhe jo vetëm.

Shkak janë gungat artificiale të vendosura në rrugë për uljen e shpejtësisë.

Këto pengesa detyrojnë shoferët të ulin shpejtësinë apo edhe të ndalojnë për të mos dëmtuar mjetet e tyre.

Pengesat bllokojnë trafikun dhe krijojnë efektin tapë, pasi mjetet e reja apo të ulëta detyrohen të frenojnë apo të çojnë shpejtësinë në zero km/orë për ta kaluar atë.

Dhe si rrjedhojë krijohen vështirësi në qarkullim apo edhe radhë të gjata mjetesh.

Justifikimi i Bashkisë së Elbasanit për vendosjen e këtyre pengesave është shkolla 9-vjeçare, e cila e ka hyrje-daljen nga rruga.

Por, Bashkia, në vend që të gjejë justifikime, duhet të gjejë zgjidhje për këtë problem të përditshëm.

Në fakt, zgjidhja duhet të ishte shmangia e kalimit në një rrugë nacionale, që të mos riskohet jeta e fëmijëve. Hapja e derës nga rruga është një gabim.

Duhet gjetur një formë tjetër. Mbyllja e menjëhershme, kalimi i nxënësve anash, hyrja nga anash shkollës, apo mbikalime dhe kufizime me kangjella për të mos hyrë fëmijët.

Kjo do të sillte rritjen e lëvizjes së mjeteve dhe nuk do të shkaktonte më bllokime në hyrje të Elbasanit, nga ana e Librazhdit, ku qytetarët kthehen nga pushimet në zonën e juglindjes.

Jeta e fëmijëve pa asnjë diskutim që është e shenjtë, por nuk mund të ndodhë që të torturohen me mijëra qytetarë edhe në ditët që nuk ka shkolla, siç po flasim në ditët e pushimeve./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga