E fundit!

11:01 Aktualitet

“QSUNT nuk disponon pajisjet bazike”/ Meta: Prioriteti i Ramës shpërdorimi i fondeve publike për koncerte

Kreu i Partisë së Lirisë Ilir Meta ka reaguar pas shpërnda...

Si “Top Channel” kapërceu ylberin për Taulant Ballën

4 Janar 2024, 09:14, Aktualitet CNA

Si “Top Channel” kapërceu ylberin për Taulant Ballën

Foto ilustruese, Taulant Balla dhe Top Channel

Ka disa kohë që për interesa korruptive apo propagandë, “Top Channel” po i mban ison ministrit të Brendshëm, Taulant Balla.

Media që sot raporton për Taulant Ballën 24 në 24, është i njëjti “Top Channel” që disa vite më parë e sulmonte publikisht.

Mjafton të kujtojmë këtu sulmet e janarit të 2019-ës ndaj Ballës me akuza për doktoraturë plagjiaturë, gjë të cilën vetë socialisti e mohoi. E megjithatë sulmet nuk ndaluan.

Edhe më tej, në nëntor të 2022-shit, televizioni i Vjollca Hoxhës raportonte se Taulant Balla ishte marrë nën përgjim, por dy ditë më pas gjykata kishte kërkuar heqjen nga përgjimi dhe asgjësimin e CD-së.

Si “Top Channel” kapërceu ylberin për Taulant Ballën

Këto shkrime e kronika nuk janë në fakt të vetmet, pasi janë të shumta rastet kur “Top Channel” sulmonte hapur një deputet të PS-së.

Por, kur ky deputet u bë ministër, “Top”-i i Vjollcës ndryshoi qëndrim, madje filloi të fshijë edhe kronika, siç është rasti i mëposhtëm.

Si “Top Channel” kapërceu ylberin për Taulant Ballën

Kulmi i servilizmit është me kronikën: “Top News - Taulant Balla 'gjobit' Delina Ibrahimajn / Përdorte fenelina policie në makinën e saj”.

I vë një polic një gjobë një ministreje dhe ia faturoi Taulantit si sukses. Tani për “Top Channel” Taulanti është kryeministër, është ministër, është njeriu më i mirë në botë.

Për shumë kohë Taulant Balla ishte “non grata” në “Top Channel”. Po të mos kishte Irfan Hysenbelliun, do t’ia kishin harruar fytyrën në media.

Kur Taulanti ishte një nga 140 deputetët, “Top Channel” merrte kazmën dhe e gërmonte.

Tashmë që u bë ministër, ngaqë historitë rozë të Vjollca Hoxhës çojnë në konflikte pa zgjidhje dhe për interesat e “mamit” të “Top Channel”-it me Ballën ndodh e kundërta, kemi kronika propaganduese dhe “prime time” në “Portokalli”.