web counter
LEXO PA REKLAMA!

SHKARKO APP

App Store
Google Play

E fundit!

x

Samiti i 6 dhjetorit/ Nga sot ndalohet qarkullimi në zonën e perimetrit të sigurisë, mbani me vete kartat e identitetit

5 Dhjetor 2022, 08:31, Aktualitet CNA

Samiti i 6 dhjetorit/ Nga sot ndalohet qarkullimi në zonën e

Samitit BE-Ballkani Perëndimor  do të zhvillohet nesër në Tiranë.

Ashtu siç është paralajmëruar më herët Tirana do të jetë e gjitha zonë e kuqe.

Bllokimi i disa akseve rrugore do të nisë që sot në orën 14.30 dhe mëngjesin e së martës në orën 07:30 të mëngjesit do të shtohen kontrollet e sigurisë dhe nuk do të lejohet lëvizja me makina.

Në zonat e sigurisë do të lejohet kalimi i këmbësorëve dhe i banorëve rezidentë.

Ndërsa, për punonjësit e institucioneve dhe subjekteve që ndodhen në perimetrin e ngushtë të sigurisë rreth ‘Air Albania’ do t’u kërkohet edhe karta e identitetit.

Disa nga akset që do të bllokohen janë Rinas Qafë-Kashar, autostrada Tiranë-Durrës, sheshi ‘Shqiponja’, unaza e Astirit, Kopshti Botanik, rrethrrotullimi i Saukut, rrethrrotulimi te ‘Varrezat e Dëshmorëve’, rruga e Elbasanit deri në urën e ‘Elbasanit’ dhe kalimi për në drejtim të aktivitetit, rrugët që lidhin rrugën e Elbasanit me atë ‘Papa Gjon Pali II’, tha Qato në "Report TV".

Edhe transporti publik nuk do të lëvizë dot në bulevardin “Dëshmorët e Kombit” dhe “Bajram Curri”.

Perimetri i Sigurisë kap këto akse më 6 dhjetor

-Bulevardi “Dëshorët e Kombit”, nga ura e Dajtit deri te sheshi “Nënë Tereza”;
-Bulevardi “Bajram Curri” nga kryqëzimi me rrugën e “Elbasanit” deri te kryqëzimi me rrugën “Ibrahim Rugova”;
-Rruga “Papa Gjon Pali II” nga ETC-RTSH-Stadium;
-Rruga “Dervish Hima”;
-Rruga “Asim Zeneli”;
-Rruga “Themistokli Gërmenji”, pranë rrugës së "Elbasanit" dhe te kryqëzimi afër rrugës “Papa Gjon Pali II”;
-Rruga “Ismail Qemali”, nga kryqëzimi i Liceut deri te rruga e “Elbasanit”.
-Rruga “Mustafa Matohiti”, pranë shkollës “Kosova”;
-Rruga “Jul Variboba”, pranë postës, në rrugën e "Elbasanit" dhe rrugën “Papa Gjon Pali II”;
-Rruga “Fatmir Haxhiu”, tek ETC;
-Rruga “Lekë Dukagjini”, nga sheshi “Frederik Shopen”, deri te stadiumi “Air Albania” dhe përreth stadiumit;
-Rruga “Skerdilajd Llagami”
-Rruga “Faik Konica”.
-Ndalim të qarkullimit të automjeteve do të ketë edhe në aksin rrugor;
-Rinas – Mbikalimi i Kasharit – Autostrada “Durrës – Tiranë” – Ish-sheshi “Shqiponja” – Unaza e Tiranës – Rrethrrotullimi i Saukut – Rrethrrotullimi pranë Akademisë së Policisë – Pallati i Brigadave – Rrethrrotullimi i qytetit “Studenti”, deri te kryqëzimi me bulevardin “Bajram Curri”.
-Kufizime të qarkullimit të automjeteve të tonazhit të rëndë, do të ketë në aksin rrugor “Shkodër – Lezhë – Milot – Thumanë - Fushë Krujë – Vorë”./CNA.al





Lajmet e fundit nga