web counter
LEXO PA REKLAMA!

SHKARKO APP

App Store
Google Play

E fundit!

x

Rrëzimi i kërkesës së Berishës nga SPAK-u/ Manjani: Ndëshkim politik

19 Janar 2024, 14:41, Aktualitet CNA
Rrëzimi i kërkesës së Berishës nga SPAK-u/ Manjani:
Ylli Manjani

Ish-ministri i Drejtësisë, Ylli Manjani, ka reaguar pas vendimit të SPAK-ut për të rrëzuar kërkesën e ish-kryeministrit Sali Berisha për të ushtruar detyrën e tij në Kuvend.

Sipas Manjanit, ky vendim është qartazi një ndëshkim politik. Manjani thotë se Berisha nuk akuzohet për asnjë vepër penale dhe ndaj tij nuk ka asnjë akuzë.

“Që të mbajmë logjikën në punë.

Sali Berisha nuk akuzohet për asnjë vepër penale. Zyrtarisht ndaj Tij nuk ka asnjë akuzë. Megjithatë, si 98% e gjithë të tjerëve sot që janë nën masa sigurie, edhe ndaj Tij është aplikuar një masë sigurie.

Absurditet juridik që vetëm në Shqipërinë me drejtësi post reformë e gjeni.

Nga ana tjetër asnjë dyshim, i arsyeshëm ose jo, nuk sugjeron që Sali Berisha të ketë kryer vepër penale në ushtrimin e detyrës së Tij si Deputet dhe si kryetar i një partie politike. Asnjë dyshim, qoftë dhe periferik nuk sugjeron që nëse Sali Berisha shkon rregullisht në punët e tij, dëmton prova apo shkatërron drejtësinë. E përsëris asnjë dyshim nuk ligjet me detyrat që ai mban sot.

Atëherë përse, mbi ç'ligj e mbi ç'llogjikë i ndalohet ushtrimi i mandatit të deputetit dhe detyrat politike që ai mban?!

I vetmi arsyetim që mund të qëndrojë është ndërhyrja politike në punët e kundërshtarit. Ndalimi me çdo kusht ai kundërshtarit që të merret me politike.

Ndaj llogjika e vetme që mbetet është llogjika e hakmarrjes politike. Njerëzit kanë të drejtë të jenë apo jo dakord me ndëshkimin politik të Sali Berishës, por të gjithë biem dakord që është ndëshkim politik.

Vetëm se ndëshkimi politik po bëhet jo me mjet politik.

Mjeti që përdoret, SPAK- u pra, nuk ka lidhje as me ligjin as me drejtësinë e pavarur. Për këtë jam i keqardhur”, tha Manjani./ CNA





Lajmet e fundit nga