web counter
LEXO PA REKLAMA!

SHKARKO APP

App Store
Google Play

E fundit!

x

Opozita, e vendosur: Të rishikohet anëtarësia e komisionit për Reformën Zgjedhore

19 Janar 2024, 13:06, Aktualitet CNA

Opozita, e vendosur: Të rishikohet anëtarësia e komisionit

Opozita është treguar e vendosur duke deklaruar për mediat se nuk do të ketë funksion normal të parlamentit pa u respektuar rregullat dhe pa u rishikuar anëtarësia e Komisionit për Reformën Zgjedhore.

Bylykbashi bëri me dije se 50 deputetë të opozitës kanë kërkuar të rikthehet tradita 20-vjeçare, e cila ka garantuar dy rotacione politike me votë.

Opozita e kërkon me forcë rikthimin e kësaj tradite pasi Reforma Zgjedhore do të prodhojë një stabilitet apo destabilitet për më shumë se një dekadë.

“Pothuajse 50 deputetë të opozitës kanë kërkuar zyrtarisht që të rishikohet anëtarësia e komisionit dhe të rikthehet tradita 20-vjeçare, e cila ka garantuar 2 rotacione politike me votë, sepse rregullat e përbashkëta kanë garantuar zgjedhje normale në përputhje me standardet.

Ne kërkojmë me forcë që të rikthejmë këtë traditë sepse reforma zgjedhore është një nga reformat më të rëndësishme që do të prodhojë një stabilitet apo destabilitet për më shumë se një dekadë.

Kërkojmë që pa vonesë, parlamenti i Shqipërisë të marrë në konsideratë kërkesën tonë që komisioni t’i kthehet normalitetit, konsensualitetit dhe funksionalitetit.

Sa kohë kjo nuk do të bëhet sepse Edi Rama nuk do dhe me ndihmën e të tjerëve do të arrijë qëllimin për të veshur komisionin me një vello bipartizanizmi, ne nuk do pranojmë dhe ky parlament do të vazhdojë të jetë mosfunksional,” tha Bylykbashi./ CNA





Lajmet e fundit nga