web counter
LEXO PA REKLAMA!

SHKARKO APP

App Store
Google Play

E fundit!

x

Dekretimi i ligjit për komisionet nga Begaj/ Meta: Rama, tmerr nga llogaridhënia

19 Janar 2024, 13:28, Aktualitet CNA
Dekretimi i ligjit për komisionet nga Begaj/ Meta: Rama, tmerr nga
Kreu i Partisë së Lirisë, Ilir Meta

Kreu i Partisë së Lirisë, Ilir Meta, ka komentuar dhe dekretimin e ligjit për komisionet hetimore nga Presidenti Barjam Begaj një ditë më parë.

Në deklaratën për mediat, Meta është shprehur se një nga arsyet pse politika dhe vendi ndodhen në krizë është pikërisht prej tmerrit të kryeministrit Edi Rama dhe mazhorancës nga llogaridhënia të cilën e garanton Kushtetuta.

“Lidhur me vendimin e presidentit të Republikës për konfirmimin e ligjit për komisionit hetimore, nuk kam arsye të flas si ish president se ka gjykimin e tij për çdo çështje. Një nga arsyet madhore të kësaj krize madhore të politikës shqiptare është tmerri i Edi Ramës dhe mazhorancës nga llogaridhënia të cilën e garanton kushtetuta e Shqipërisë”, tha Meta.

Sa i përket rastit të arrestimit të ish-kryeministrit Sali Berisha, Meta tha se kemi të bëjmë me një përndjekje politike dhe për të minuar opozitarizmin në vend.

Sipas Metës, kjo përndjekje diktohet nga kryeministri Edi Rama i cili ka kapur sistemin e drejtësisë dhe ushtron presione.

“Kemi të bëjmë me një përndjekje politike dhe për të minuar opozitarizmin në vendin tonë. Diktohen nga Edi Rama përmes kapjes së sistemit të drejtësisë dhe të gjithë presioneve që ushtron në këtë drejtim.

Rama nuk ka interes të bëjë Reformë Zgjedhore se nuk ka interes për zgjedhje të lira dhe të ndershme në vendin tonë”, u shpreh Meta./ CNA





Lajmet e fundit nga