web counter
LEXO PA REKLAMA!

SHKARKO APP

App Store
Google Play

“Raportim të paanshëm dhe të balancuar”/ KLP i bën thirrje medias për raportimet mbi sistemin e drejtësisë

14 Shkurt 2025, 21:08, Aktualitet CNA

“Raportim të paanshëm dhe të balancuar”/ KLP i


Këshilli i Lartë i Prokurorëve ka bërë sot një thirrje ndaj mediave, për të bërë raportim të paanashëm, profesional e të balancuar mbi sistemin e drejtësisë.

KLP thekson se në këtë mënyrë garantohet autoriteti dhe paanshmëria e sistemit të drejtësisë në raportimet mediatike.

KLP shton se që të prevalojë drejtësia e pavarur dhe profesionale në çdo rast, duhet raportim i drejtë, i balancuar dhe i verifikuar.

“Këshilli i Lartë i Prokurorisë vlerëson misionin e medias së pavarur për informimin e publikut, duke respektuar parimin e objektivitetit dhe atë të mos cenimit të dinjitetit njerëzor, të familjes dhe mbrojtjes së jetës private.

Me qëllim që të garantohet autoriteti dhe paanshmëria e sistemit të drejtësisë, Këshilli i Lartë i Prokurorisë i bashkohet qëndrimit të Këshillit të Lartë Gjyqësor në mbështetje të të gjithë prokurorëve të Republikës së Shqipërisë, lidhur me disa raportime mediatike që mund të rezultojnë në cenim të integritëtit dhe pavarësisë së tyre.

Etiketimet e përdorura, vlerësimet e njëanshme, pa shqyrtime të kujdesshme dhe objektive, siç e kërkon gazetaria profesionale, devijojnë raportimin e paanshëm dhe të balancuar nga media. Kjo mund të sjellë një informim jo-profesional dhe cenim të besimit të publikut tek drejtësia.

Drejtësia e pavarur dhe profesionale duhet të prevalojë në çdo rast, ndaj nxisim bashkëpunimin me median për një raportim të drejtë, të balancuar dhe të verifikuar”,- thuhet në reagimin e KLP-së./CNA





Lajmet e fundit nga