web counter
LEXO PA REKLAMA!

SHKARKO APP

App Store
Google Play

Rama tall opozitën: I gënjeu mendja se atë që s'e bëri dot çadra e Lulit tim, do ta bënte çadra globale e protestës

20 Qershor 2026, 11:35, Aktualitet CNA

Kryeministri Edi Rama gjatë mbledhjes së Grupit Parlamentar të PS-së ka folur për Zvërnecin, protestat dhe gjuhën e urrejtjes ndaj tij dhe qeverisë.

Gjatë fjalës së tij, Rama tha se një sherr vulgar e kthyen në një luftë globale online.

Po ashtu kryeministri shënjestroi opozitën duke thënë se i gënjeu mendja se atë që s'e bëri dot çadra e Lulit do ta bënte çadra globale e protestës.

“Sot dhjetë vjet më pas, brenda 48 orësh, degradimi i dhunshëm i një sherri vulgar mes rojeve të sigurisë së policisë private u bë zanafilla e një lufte globale online.
Jo se bota u zgjua për fatin e Nartës dhe flamingos, ku zhvillohej masakra më e përgjithshme me shpendët e gjora që vriteshin për epshin shtazarak të gjuetarëve të ardhur nga perëndimi.
Flamingot i priste plumbi i kafshëve të dehura me dy këmbë.
Si në një film sansifikacion, bulevardi përputhi armatën e frikshme me armët e urrejtjes shqiptare offline dhe online, jo ndaj Trump-it, por ndaj meje dhe jush.
I gënjeu mendja fuqishëm se çadra globale e kësaj proteste do të bënte mrekullinë që nuk e bëri dot çadra lokale e protestës së Lulit tim.
Kështu me sqepin e një zogu të vetëm do të laheshin dy hesape të vjetra: bota e madhe do të turpëronte Trump-in në betejën e natës 2073 vjet pas betejës së Palasës, ku Cezari turpëroi Pompeun, ndërsa armata shurdhuese e influencerëve, opinionistëve dhe analistëve, të vënë në dispozicion nga armiqtë e Shqipërisë, do të shpëtonte Shqipërinë nga unë për llogari të karavidheve të opozitës së dukshme dhe të padukshme, nga llapoqarët dhe ballibullstat, të bllokrevolucionarëve të aeroportit dhe lugndryshkurit e familjes sonë të madhe.
Njerëz që nuk dinin se ku i binte Zvërneci dinin saktësisht se çfarë duhet të kërkonin për Zvërnecin” tha Rama./ CNA

 





Lajmet e fundit nga