web counter
LEXO PA REKLAMA!

SHKARKO APP

App Store
Google Play

E fundit!

x

Rama publikon pamjet nga aksi Elbasan-Qafë Thanë, komentuesit e “gozhdojnë”: Zgjidhni Bradasheshin se është tmerr

3 Nëntor 2024, 09:21, Aktualitet CNA

Rama publikon pamjet nga aksi Elbasan-Qafë Thanë, komentuesit e

Kryeministri Edi Rama e ka nisur mëngjesin e kësaj të diele duke publikuar disa pamje nga aksi Elbasan-Qafë Thanë, pjesë e korridorit VIII.

Në këtë aks ka nisur qarkullimi i mjeteve dhe komentuesit kanë komplimentuar qeverinë për punën, por nuk kanë munguar edhe kritikat dhe shqetësimet për disa nga akset që sjellin trafik dhe qytetarët mbeten të bllokuar për orë të tëra.

Një prej komentuesve ka ngritur shqetësimin për Bradasheshin, një nga pikat më të nxehta të trafikut, ku qytetarët mbeten në trafik për orë të tëra.

Ai i kërkon kryeministrit të gjendet një zgjidhje se është tmerr.

“Super, por zgjidhni Bradasheshin se është tmerr, vjen për 15 minuta nga Tirana dhe aty do 2 orë për Elbasan.

Një tjetër qytetar ngre shqetësimin për segmentin Milot-Rrëshen duke thënë që është një nga akset që është burim aksidentesh.

“Po segmenti Milot-Rrëshen kur do zgjerohet se ka mbetur si hinkë, burim i shumë aksidenteve të ndodhura, meqë është pjesë e rrugës së kombit”, shkruan një tjetër komentues.

Sigurisht që ka dhe nga ata qytetarë që e pyesin kryeministrin se kur do të investojë qeveria e tij edhe për Veriun, duke i kujtuar se e ka lënë pas dore.

“Po veriu kur?”, shkruajnë komentuesit.

CNA ka shkruar dhjetëra artikuj në lidhje me aksin Tiranë-Elbasan dhe shqetësimet e qytetarëve në lidhje me trafikun që krijohet në rrethrrotullimin e Bradasheshit./ CNA

 





Lajmet e fundit nga