web counter
LEXO PA REKLAMA!

SHKARKO APP

App Store
Google Play

E fundit!

x

Qarku Shkodër jashtë karantine/ Preçi: Fermerët të lirë për tregtim te të imëtat

27 Nëntor 2025, 12:14, Aktualitet CNA

Qarku Shkodër jashtë karantine/ Preçi: Fermerët të

Ministria e Bujqësisë ka nxjerrë urdhrin që heq të gjitha masat e vendosura për shkak të murtajës te ruminantët e vegjël, duke rikthyer normalitetin në lëvizjen e kafshëve në Qarkun e Shkodrës. Nga dita e sotme lejohen transporti dhe qarkullimi i bagëtive nga ferma në tregje, nga ferma në fermë, si dhe drejt kullotave.

"Dje doli urdhri i ministrit që çliron të gjitha masat e marra si shkak i murtajës te ruminantët e vegjël. Me këtë urdhër bëhet fjalë për lejimin e kafshëve nga ferma në tregje, nga ferma në fermë dhe nga ferma në kullotë. Tashmë duke nisur nga sot tregu është i lirë dhe i hapur", tha Mark Preçi, përgjegjës i Shërbimit Veterinar.

Autoritetet veterinare theksojnë se bashkëpunimi i fermerëve me veterinerët e njësive vendore mbetet thelbësor, veçanërisht për procesin e matrikullimit të kafshëve, i cili është i detyrueshëm për monitorimin dhe kontrollin e sëmundjeve.

"Duhet të kemi parasysh që fermerët të bashkëpunojnë me veterinerët e njësive vendore për matrikullimin e tyre. Në rastin e kësaj sëmundjeje karantina u zgjat, por të gjitha kto masa shtrënguese penguan transmetimin e metejshëm. Sepse kjo sëmundje ka dëmtim shumë të madh. Në total janë asgjësuar rreth 700 krerë nga kjo sëmundje".

Në total, rreth 700 krerë janë asgjësuar si pasojë e murtajës, një sëmundje me ndikim të madh ekonomik dhe biologjik te blegtorët./ CNA





Lajmet e fundit nga