web counter
LEXO PA REKLAMA!

SHKARKO APP

App Store
Google Play

E fundit!

x

Urimi për Ditën e Pavarësisë dhe porosia e Kryepiskopit Joan

27 Nëntor 2025, 11:45, Aktualitet CNA

Urimi për Ditën e Pavarësisë dhe porosia e Kryepiskopit Joan

Kryepiskopi Joan, në një intervistë për median “Ngjallja”, ka uruar të gjithë shqiptarët për festën e 28 Nëntorit, Ditën e Pavarësisë së Shqipërisë.

Porosia e Kryepiskopit Joan drejtuar shqiptarëve është që të “të përpiqemi për vendin tonë me gjithçka që mundemi, sepse duke u përpjekur për vendin tonë, padyshim që më tepër ndihmojmë dhe veten”.

“Do të doja t'ju uroja të gjithëve gëzuar këtë ditë, të falënderojmë Perëndinë dhe të përpiqemi për vendin tonë me gjithçka që mundemi, sepse duke u përpjekur për vendin tonë, padyshim që më tepër ndihmojmë dhe veten tonë.

Një njeri që përpiqet të ndërtojë edhe në familje një ambient të ngrohtë dhe për atë vetë është shumë mirë. Në një vend ku nuk ka paqe, ku nuk ka harmoni, ku ka sherre, grindje dhe zili e sharje, nuk mund të ketë qetësi dhe nuk mund të jetë një vend që ti mund të jetosh qetësisht.

Duke e lulëzuar vendin tonë dhe duke e bërë një vend të paqtë, një vend me begati, padyshim që do të jetë mirë për gjithsecilin nga ne. Në këtë ditë të veçantë për vendin tonë, ju uroj të gjithëve gëzuar dhe për shumë vjet!”, u shpreh Kryepiskopi./ CNA





Lajmet e fundit nga