web counter
LEXO PA REKLAMA!

SHKARKO APP

App Store
Google Play

E fundit!

x

"Ninulla e zgjimit”/ Ema Andrea sjell emocione të forta në kuadër të 16 ditëve të aktivizmit

27 Nëntor 2025, 10:59, Aktualitet CNA

Në kuadër të 16 ditëve të Aktivizmit Kundër Dhunës me bazë gjinore, Qendra e Gruas “Hapa të lehtë”, në bashkëpunim me aktoren e njohur Ema Andrea, organizuan shfaqjen teatrore “Ninulla e zgjimit”.

E bazuar në dramën e shkurtër të autorit Revelly Robinson, kjo shfaqje vë në qendër zërin e gruas dhe realitetet shpesh të padukshme të dhunës, duke përdorur artin si një formë të fuqishme ndërgjegjësimi dhe reflektimi shoqëror.

"Ky aktivitet realizohet në kuadër të 16 ditëve të Aktivizmit Kundër Dhunës me bazë gjinore dhe dhunës në familje. Është një aktivitet që ka në qender të vëmendjes gruan dhe dramat e saj. Ne vendosëm ta quajmë 'Ninulla e zgjimit' me qëllim që të japim mesazhe të forta", u shpreh Denada Shpuza, drejtuese e Qendrës "Hapat e lehtë".

Zëvendëskryetarja e Bashkisë Shkodër, Teuta Qyteza, tha se çelësi i suksesit është vetëm denoncimi i dhunës.

"Unë si përfaqësuese e Bashkisë Shkodër dhe si njëra nga ju, përgëzoj këdo që merret me gratë e vajzat dhe me të drejtat e tyre. Çelësi i zgjidhjes së problemit është denoncimi i dhunës. Ne duhet të jemi shumë më shumë në mbështetje dhe solidaritet të gruas. Problemi ynë është heshtja, ne duhet të jemi kundër heshtjes. Si nëna duhet të mësojmë fëmijët tanë të duan e mbi të gjitha t'i respektojmë vajzat dhe gratë", tha Teuta Qyteza, zëvendëskryetarja e Bashkisë Shkodër.

Përmes performancës artistike të pranishmit përjetuan emocione të forta ku në qendër ishte parandalimi i fenomenit të dhunës me bazë gjinore. /CNA





Lajmet e fundit nga