web counter
LEXO PA REKLAMA!

SHKARKO APP

App Store
Google Play

E fundit!

x

Propozimi i SYRIZA-s: Shqipja të bëhet gjuhë e dytë në Greqi

18 Janar 2024, 14:07, Aktualitet CNA

Propozimi i SYRIZA-s: Shqipja të bëhet gjuhë e dytë në

“Emigracioni është një çështje që SYRIZA nuk e ka përdorur kurrë si instrument dhe ne jemi krenarë për qëndrimin e përgjegjshëm që kemi mbajtur”, theksoi kreu i SYRIZA-s, Stefanos Kasselakis, gjatë takimit që pati në Koumoundourou, me përfaqësues të komuniteteve të Diasporës shqiptare në Hellas.

Gjatë takimit ai është shprehur se: “Jemi krenarë për punën që kemi bërë si qeveri, që të mund të lehtësojmë komunitetin dhe të tregojmë se të gjithë mund të kontribuojmë për vendin tonë”.

Ai shtoi se pavarësisht se problemet me të cilat ballafaqohet komuniteti shqiptar në Greqi janë të mëdha, si rrjedhojë vitet e fundit është shtuar pasiguria që jetojnë çdo ditë anëtarët e tij.

“Nuk mund të flitet për rinovim të vendbanimit për 3 vjet, kur ky aplikim kërkon 2.5 vjet që të pranohet. Me fjalë të tjera, ne po i vendosim në thelb në një situatë 'pengmarrjeje' këta njerëz, me të cilët jetojmë në të njëjtin vend”, nënvizoi zoti Kasselakis.

Ai theksoi se në të njëjtën kohë marrëdhëniet mes dy vendeve duhet t'i shikojmë në mënyra të ndryshme, më kreative. Në këtë kuadër, sipas njoftimit përkatës, ai përmendi si shembull çështjen e zgjedhjes së një gjuhe të dytë të huaj.

“Këtu në Greqi nuk e kemi shqipen si gjuhë të zgjedhur. Ashtu si Shqipëria, duhej të kishte si gjuhë të zgjedhur greqishten. Në të gjithë territorin e Shqipërisë”, tha ai./ CNA





Lajmet e fundit nga