web counter
LEXO PA REKLAMA!

SHKARKO APP

App Store
Google Play

E fundit!

x

"Plug" përmendi Bollinon si sekserin e tenderave/ Agjentët e BKH-së, kontrolle në zyrat e biznesmenit

26 Dhjetor 2025, 12:36, Aktualitet CNA

"Plug" përmendi Bollinon si sekserin e tenderave/ Agjentët e

Agjentët e Byrosë Kombëtare të Hetimit kanë zhvilluar sot kontrolle të zyrat e biznesmenit Rais Petrela. Sipas informacioneve, aktualisht agjentët e BKH-së ndodhen në zyrë ku është i pranishëm edhe vetë biznesmeni. Kontrollet vijnë në kuadër të hetimeve të Prokurorisë së Posaçme për dosjen "Balluku".

Emri i Rais Petrelës, doli në emisionin "Plug" në Syri Tv, ku u raportua se botuesi i Shqiptarja.com dhe Report Tv, Carlo Bollino kishte rolin e sekserit të tenderave që ky biznesmen përfitonte. Sipas “Plug”, kjo u zbulua në përgjimet e bisedave ndaj ish-kreut të ARRSH-së, Evis Berberi.

Më konkretisht, në emision thuhej se kompania që ka përfituar tenderin e përfituar për supervizim punimesh mirëmbajtje të akseve kryesore rrugore, nga e cila Carlo Bollino nuk kishte marrë pjesën e tij është Archi Space e Rais Petrelës.

Sipas Plug, ky është një personazh i njohur për afrimitetin me Erion Veliajn, kryebashkiakun e Tiranës, me të cilin as vetë Carlo Bollino nuk e ka fshehur miqësinë e ngushtë dhe bashkëpunimin.

Pjesë nga emisioni “Plug”:

Nga verifikimet e kryera, rezulton se kompania që ka përfituar tenderin, nga e cila Carlo Bollino nuk kishte marrë pjesën e tij është Archi Space e Rais Petrelës, një personazh i njohur për afrimitetin me Erion Veliajn, kryebashkiakun e Tiranës, me të cilin as vetë Carlo Bollino nuk e ka fshehur miqësinë e ngushtë dhe bashkëpunimin. Nga mënyra se si e shfaq në këto përgjime, Carlo Bollinon bën rolin e sekserit të tenderave. Por situata bëhet edhe më e rëndë për mënyrën se si shpërndahen këto fonde për kapjen e mediave, pasi në përgjim del se ato shpërndahen edhe me ndërhyrjen e vetë kryeministrit Edi Rama. Për këtë fakt, prova janë komunikimet e Belinda Ballukut me Evis Berberin, ku qartazi shprehen se se për tenderat e supervizimit të loteve të Unazës, përfituesit kanë rënë dakord me kryeministrin Edi Rama, ku siç u provua njëri prej tyre është edhe Carlo Bollino.

Pas bisedës së më sipërme, Belinda Ballu vijon bisedën me Evis Berberin për tenderat e hapur për supervizimin e punimeve të mirmbajtjeve të Loteve të Unazës.

Belinda Balluku: Ke një supervizion mirëmbajtje”

Evis Berberi: “Po”.

“Plug” publikoi se pas konfirmimit Balluku i dërgon edhe fotografi nga sistemi elektronik i prokurimeve, në të cilën janë listuar procedurat e prokurimit të publikuara nga Autoriteti Rrugor Shqiptar në datën 17.03.2022, dhe konkretisht:

Loti 4: Kontrata D “Supervizion punimesh mirëmbajtje me performancë e akseve kryesore të rajonit Jugor”;

 Loti 3: Kontrata C “Supervizion punimesh mirëmbajtje me performancë e akseve kryesore të rajonit Qendror dhe Juglindor”;

Loti 2: Kontrata B “Supervizion punimesh mirëmbajtje me performancë e akseve kryesore të rajonit Qendror dhe Verilindor”;

Loti 1: Kontrata A “Supervizion punimesh mirëmbajtje me performancë e akseve kryesore të rajonit verior”; si dhe “Supervizion për Mirëmbajtjen me performancë të segmenteve rrugore të shtruara me VKM nr. 600, datë 13.10.2021”.

Bisedat mes Belinda Ballukut dhe Evis Berberit, të publikuara nga emisioni “Plug”

Belinda Balluku: Për këtë flet ky se ka rënë dakord me Ramën. E dyta pse ja ke bërë për 3 vite? Se është çmenduri. Merru me këto se do me çmendesh. Sqaroji atij kurvë që nuk do hapen procese të reja se nuk lejojnë financat.

Evis Berberi: Ok.

Belinda Balluku: Ça janë këto supervizione që paske hap ti???

Evis Berberi: Po pba për tre vite. Janë të mirëmbajtjes.

Belinda Balluku: Kanë mirëmbajtjet supervizion? I ke hapur ti? E po një do ta marr ky super k… se ia ka premtuar R?”

Evis Berberi: Po bb i kishte një të madhe unë i ndava që të akomodohesh më shumë.

Belinda Balluku: S’më pëlqen fare që unë nuk di çfarë bën ti.

Evis Berberi: Po kë të doje

Belinda Balluku: Jo kë të doje jo

Evis Berberi: Të vi në mije

Siç duket qartë nga ky komunikim, pagesa për të vjetrën u zgjidh, por sipas asaj që ka ndarë me kryeministrin Edi Rama, për Carlo Bollinon u zgjidh edhe tenderi i ri, të cilin gazetari Flavio Qarri deklaroi se  do të jetë objekt investigimi në një tjetër puntatë të emisionit.

Mesazhet e Belinda Ballukut faktojnë se jo vetëm Report TV dhe Shqiptarja. com, por pjesa më e madhe e medieve, përfitojnë para krimi dhe korrupsioni për t’i shërbyer qeverisë.

Në komunikimet me Berberin, Belinda Balluku zbulon, se drejtorit të ARRSH-së i kishte lënë në patronazh vetëm pagesat për Carlo Bollinon pasi drejtorët e tjerë paguanin për pjesën më të madhe të mediave. /CNA





Lajmet e fundit nga