web counter
LEXO PA REKLAMA!

SHKARKO APP

App Store
Google Play

Plagosja e të miturve në shkolla/ Xhaferri: Më 22 dhjetor do të jemi në shesh për sigurinë e fëmijëve tanë

17 Dhjetor 2025, 14:53, Aktualitet CNA

Plagosja e të miturve në shkolla/ Xhaferri: Më 22 dhjetor do

Deputeti i PD-së, Besart Xhaferri, ka reaguar përmes një postimi pas plagosjes së të miturit ditën e sotme në një shkollë 9-vjeçare në Sarandë.

Xhaferri shkruan se në vetëm dy javë kemi një nxënës të vrarë dhe katër të plagosur në shkolla.

Deputeti thekson se kjo është një nga arsyet pse qytetarët duhet të marrin pjesë në protestën e 22 dhjetorit.

Reagimi i plotë:

Në dy javë kemi një nxënës të vrarë dhe katër të plagosur në shkolla. Më 22 Dhjetor do të jemi në shesh për fëmijët që po na vriten aty ku duhet të merrnin dije!

Nuk kanë të ndalur përleshjet me thika në dyert e shkollave në vendin tonë.

Këtë të mërkurrë, një 15-vjeçar është goditur me thikë nga një nxënës 13-vjeçar pranë një shkolle private në qytetin e Sarandës.

13-vjeçari ende nuk është arrestuar nga Policia që angazhohet në pengmarrje biznesmenësh, teksa kjo ngjarje e rëndë ekspozon edhe një herë faktin se projekti për sigurinë në shkolla ka dështuar dhe për këtë dikush duhet të mbajë përgjegjësi.

Më 5 Dhjetor, në QSUT ndërroi jetë 15-vjeçari Erion Boba, i cili 9 ditë më parë ishte plagosur me thikë në derën e shkollës “Dom Nikoll Kaçorri” në Durrës.

Më 12 Dhjetor, në Shkodër, tre nxënës mbetën të plagosur pas një përleshjeje me thika mes dy grupeve të të rinjve në oborrin e shkollës së mesme “Shejnaze Juka”.

Përballë këtij realiteti dramatik, Mirela Kumbaro nuk duhet të vizitojë shkollat si turiste, por të mbledhë urgjentisht strukturat përgjegjëse për çështjen e sigurisë në shkolla.

KLSH ka denoncuar faktin se paketa për sigurinë në shkolla ka qenë një fasadë dhe se realiteti në shkollat tona është dramatik, pasi drejtorët janë urdhëruar të fshehin konfliktet.

Më 22 Dhjetor do të jemi në shesh për sigurinë e fëmijëve tanë, sepse ata po na vriten aty ku duhet të merrnin dije. /CNA





Lajmet e fundit nga