E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Kërkuan lali Erin në mbledhje/ Zbardhet kërkesa e zdromsave të Këshillit Bashkiak

17 Dhjetor 2025, 10:25, Aktualitet CNA

Kërkuan lali Erin në mbledhje/ Zbardhet kërkesa e zdromsave

Ditën e djeshme, CNA raportoi se këshilltarët socialistë të Bashkisë së Tiranës bënë kërkesë në SPAK që kryebashkiaku Veliaj të jetë i pranishëm në mbledhjen ku do të diskutohej buxheti.

Një nga skemat dhe lojërat nga burgu i Durrësit ku lali Eri u kërkon në mënyrë të vazhdueshme si kryezdroms, pra si kryebashkiak që të shkojë dhe të jetë i pranishëm në mbledhjen e radhës të Këshillit Bashkiak ku diskutohet buxheti.

Zdromsat e Këshillit Bashkiak bëhen qesharakë/ Kërkojnë lali Erin në mbledhjen e radhës
16 Dhjetor, 17:26

Sot është zbardhur kërkesa e plotë që “lodrat” e Veliajt kanë bërë në mënyrë që kryebashkiaku i tyre të jetë i pranishëm në mbledhje. Në kërkesë thuhet se Veliaj duhet të jetë i pranishëm në një nga datat nga 16 deri në 18 dhjetor 2025.

Kërkesa e plotë

Kërkesë për mundësimin e pjesëmarrjes së Kryetarit të Bashkisë Tiranë, z. Erion Veliaj, në konsultimin për projektbuxhetin e Bashkisë së Tiranës për vitin 2026

STRUKTURËS SË POSAÇME KUNDËR KORRUPSIONIT DHE KRIMIT TË ORGANIZUAR

DREJTORISË SË PËRGJITHSHME TË BURGJEVE

Të nderuar përfaqësues të institucioneve,

Këshilli Bashkiak i Tiranës, në zbatim të detyrimeve të tij ligjore dhe me qëllim garantimin e funksionimit të rregullt institucional, ju drejtohet për të kërkuar mundësimin e pjesëmarrjes së Kryetarit të Bashkisë Tiranë, z. Erion Veliaj, referuar kërkesës së tij nr.42497 prot., datë 15.12.2025, për të marrë pjesë në konsultimin e PBA 2026-2028 dhe detajimin e buxhetit të Bashkisë Tiranë për vitin 2026.

Sipas Ligjit nr.139/2015 “Për Vetëqeverisjen Vendore”, i ndryshuar, konkretisht:

–Neni 58 pika 4, përcakton se Kryetari i Bashkisë ka të drejtë të marrë pjesë në mbledhjet e Këshillit Bashkiak dhe të raportojë.

–Neni 60, përcakton bashkëpunimin e detyrueshëm ndërmjet Kryetarit të Bashkisë dhe Këshillit Bashkiak, për çështje të interesit publik.

Duke qenë se pjesëmarrja e Kryetarit të Bashkisë është një e drejtë funksionale e garantuar me ligj, referuar ligjit nr. 68/2017 “Për Financat e Qeverisjes Vendore”, ku neni 41, parashikon se “Kryetari i njësisë së vetëqeverisjes vendore përgatit projektbuxhetin vjetor dhe ia paraqet për miratim Këshillit të njësisë së vetëqeverisjes vendore”, ju kërkojmë që nëse ndaj tij janë duke u zbatuar masa kufizuese, të vlerësohet:

lejimi i përkohshëm për pjesëmarrje fizike në një nga datat nga 16 deri në 18 dhjetor 2025.

Këshilli Bashkiak është i gatshëm të bashkëpunojë plotësisht për cdo kërkesë sigurie, protokolli apo logjistike të institucioneve tuaja, me qëllim garantimin e një procesi ligjor, transparent dhe funksional.

Ju lutemi të na informoni me shkrim mbi vendimmarrjen tuaj, duke patur parasysh rëndësinë e respektimit të funksioneve institucionale dhe të të drejtës së Kryetarit të Bashkisë për të raportuar para Këshillit Bashkiak.