web counter
LEXO PA REKLAMA!

SHKARKO APP

App Store
Google Play

Pistat e masakrës së Milotit/ Kush ishin të interesuar të vrisnin financuesin e Ervis Martinajt

14 Dhjetor 2022, 22:36, Aktualitet CNA
Pistat e masakrës së Milotit/ Kush ishin të interesuar të
Fotomontazh - Ervis Martinaj dhe Ylli (Brahja) Brahimi

Masakra e Milotit, ku mbeti viktimë Klisman Preçi dhe u plagos rëndë Ylli (Brahja) Brahimi, ka mbetur ende e pazbardhur, ndërsa policia ka hetuar në disa pista.

Atentati më shënjestër Brahimin mendohet të jetë për llogari personale, por nuk lihet mënjanë as pista se ishte përplekja e radhës e kundërshtarëve të Ervis Martinajt, pas vrasjeve të njëpasnjëshme të miqve të këtij të fundit.

Kjo pasi Brahimi është konsideruar si krahu i djathtë i Ervis Martinajt, ‘bosit’ të lojërave të fatit që u shpall i zhdukur në gusht të këtij viti.

Që pas masakrës në Milot, policia ka kryer disa kontrolle. Sipas dosjes së zbardhur në emisionin e Klodiana Lalës, fillimisht kontrollet u kryen në fshatin Pllanë të Lezhës, në banesën e Roan Brahimit, alias Sidorel Prendi, i cili ishte në kërkim policor edhe për ekzekutimin e Brilant Martinaj dhe miqve të tij.

Por pavarësisht kërkimeve, blutë nuk mundën ta gjejnë Prendin, por vetëm babain e tij Gjovalin Prendi, i cili deklaroi se nuk kishte asnjë dijeni për djalin e tij, të paktën prej një viti.

Më pas, policia kreu kontrolle në banesat e Izmir Selit, në fshatin Zhejë të Kurbinit, Ervis Kuqit në Milot dhe Alfred Rakaj Petokut.

Përpjekjet rezultuan të dështuara, pasi u gjetën vetëm të afërmit e tyre, të cilët si në rastin e Prendit deklaruan se nuk kanë dijeni për ta.

Një tjetër person që u skanua nga autoritetet ishte Ramazan Rraja, nipi i deputetit socialist Rrahman Rraja, i cili u shoqrua kohët e fundit.

Ramazan Rraja rezulton të jetë shok i ngushtë me Brahimin dhe ka mohuar të ketë dijeni për ngjarjen.

Ndërkohë, masakra mbetet ende e pazbardhur dhe autorët e kësaj ngjarjeje janë enigmë./ B.A. – CNA.al





Lajmet e fundit nga