web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet në polici/ Karamuço: Lëvizjet, në qarqet me nivel të lartë kriminal

14 Dhjetor 2022, 19:18, Aktualitet CNA
Ndryshimet në polici/ Karamuço: Lëvizjet, në qarqet me
Eksperti i Kriminaloistikës, Ervin Karamuço

Eksperti i Kriminaloistikës, Ervin Karamuço ka komentuar ndryshimet e fundit në Policinë e Shtetit.

Sipas ekspertit të sigurisë, lëvizjet janë bërë në qarqe me problematika dhe nivel të lartë të organizatave kriminale, ku përmendi Shkodrën.

Gjithashtu Karamuço tha se këto ndryshime kanë ndodhur pasi po mbushet edhe 100 ditëshi që nga momenti që Muhamet Rrumbullaku u vu në krye të Policisë së Shtetit.

Karamuço theksoi se kryeministri në deklaratat e tij, po ashtu edhe kreu i Policisë së Shtetit, Rrumbullaku, u shprehën se do të kishte një zbardhje të fatit të Ervis Martinajt por ende nuk është bërë asgjë në lidhje me këtë.

“100 ditëshi mbushet nesër, fillojnë të ndryshojnë drejtuesit e qarqeve. Janë qarqe me problematikë. Ka patur shumë ngjarje të nivelit të lartë të organizatave kriminale, si Shkodra.

Se çfarë ka shkuar keq është bërë sot një mbledhje me dyer të mbyllura. Ajo që kemi dëgjuar nga kryeministri është gjetja e një personi që nuk dihet fati i tij është i vrarë apo i zhdukur.  Asgjë nuk ka ndryshuar në atë histori”, tha Karamuço.

Ndër të tjera ai foli edhe për Tonin Vocaj, i cili është emëruar drejtor i Policisë së Tiranës.

Sipas deklaratës së Karamuços në emisionin Zona Zero, Vocaj është njohës i mirë i Policisë Kriminale, por që do të ketë një punë shumë të vështirë, rezultatet e të cilës mbeten për tu parë.

“Vocaj është njohësi i mirë i Policisë Kriminale. Duhet parë se Tirana ka një vështirësi të lartë për kontrollin e territorit. Ne kemi 1/3 e popullsisë që jetojnë në Tiranë.  Sidomos në situatën e festave të  fundvitit, duhet të ketë një plan masash ndryshe. Të shohim sa do i realizojë dhe sa pikëpamje ndryshe do kemi në kryeqytet. Tani është drjejtuesi i pare dhe ka një detyrë shumë të vështirë”, tha Karamuço./ CNA.al





Lajmet e fundit nga