E fundit!

12:36 Politikë

“Ehu, muhabet l*shi”/ Manja dhe Gjiknuri, përplasje në mbledhjen e Komisionit të Ligjeve

Mbledhja e zhvilluar këtë të martë në Komisionin për Çësht...

Prapaskenat për zgjedhjen e kreut të SPAK-ut/ Vangjeli: Kryeministri ka dijeni për dosjet

14 Dhjetor 2022, 13:36, Aktualitet CNA

Prapaskenat për zgjedhjen e kreut të SPAK-ut/ Vangjeli: Kryeministri

Zgjedhja e kreut të SPAK-ut, është shndërruar në një debat ditë të fundit, ku flitet për kandidatë të preferuar të ambasadës amerikane dhe kandidatë të preferuar të Qeverisë.

Analisti Lorenc Vangjeli e lexon këtë situatë si dëshmi angazhimi në këtë proces si nga Qeveria ashtu edhe nga ambasadorja Yuri Kim.

Në studion e "MCN Live", ai tha se secili nga anëtarët e KLP mund të drejtojë SPAK-un.

Sipas tij, politika është klienti i dorës së parë të këtij organi.

“Duke folur për procesin që në fund të verës ky është një zhvillim i pritshëm dhe që ka pasur debate larg syrit të publikut, fillimisht ishte ideja e një zgjidhje kompromisi, kjo deri në momentin kur u bënë publik dhe tre emrat e kandidatëve kryesorë për kreun e ri të SPAK-ut. Nga deklarata duket sikur është një proces i zakonshëm, por në Tiranë asnjëherë nuk është ashtu si duket. Duket sikur deklaratat janë krijuar nga dy palët, qeverisja dhe ambasadorja, asnjëra palë s’ka përmendur emra apo referenca, por të dyja palët dëshmojnë angazhimin në proces. Secili nga anëtarët e trupës së KLP mund të bëjë drejtuesin e SPAK-ut”, ka thënë Vangjeli.

Për Vangjelin, problemi kryesor i SPAK-ut është ballafaqimi me pritshmëritë e larta që ka publiku ndaj tij.

“Politika është klienti i dorës së parë të SPAK-ut, për të ndëshkuar fajet dhe mëkatet. Kryeministri është shumë më tepër në dijeni se në dosjet e SPAK-ut s’ka asnjë të dhënë apo indicie për Ahmetajn. Amerikanët janë ndër aksionerët kryesorë të reformës në drejtësi dhe ata nuk ja lejojnë vetes luksin të konsiderojnë veten humbës. Preja nuk e ka në dorë të zgjedhë emrin e gjahtarit. Dy ditë më pas ne do të shohim emrin, votimi nuk është bërë akoma, por emri i kreut të SPAK-ut do të rrëfejë dhe ekuilibra të tjerë. Meqenëse tani është bërë publike dhe preferenca çdo emër tjetër i zgjedhur dhe pse do kishte legjitimitet të plotë do të kishte një hije dyshimi. Secili nga ata kandidatë janë të barabartë dhe secili prej tyre janë të aftë për ta bërë një gjë të tillë”, është shprehur më tej ai./CNA.al