web counter
LEXO PA REKLAMA!

SHKARKO APP

App Store
Google Play

“Atentati nuk ishte vetëm ndaj meje”/ Berisha: Protesta e 6 dhjetorit vendimi i drejtë në historinë e opozitës 

14 Dhjetor 2022, 18:40, Aktualitet CNA
“Atentati nuk ishte vetëm ndaj meje”/ Berisha: Protesta e 6
Kreu i PD-së, Sali Berisha

Protesta e 6 Dhjetorit shënoi një ngjarje që bëri shumë zhurmë në media dhe pati një reagim masiv nga e gjithë politika.

Pikërisht në ditën e protestës së opozitës dhe mbajtjes së Samitit BE-Ballkani Perëndimor, u godit kreu i PD, Sali Berisha nga 31 vjeçari Gerti Shehu.

Berisha, ka folur sërish sot për këtë ngjarje, duke thënë se ai akt nuk ishte një atentat vetëm ndaj tij por edhe ndaj opozitës.

Ndër të tjera, Berisha e ka cilësuar protestën e 6 dhjetorit si vendimin më të drejtë që është marrë në historinë e opozitës.

“Edi Rama është i vendosur të përdorë çdo pushtet që ka në dorë për të zhdukur, asgjësuar jo vetëm mediat e lira, por edhe opozitën e vërtetë shqiptare.

Akti i tij me datën 6 dhjetor, ishte përpjekja e të verbrit mendor nga urrejtja se si në një moment ku zhurma mund të bëhej më e vogël sipas tij, mund ti jepte një goditje fatale opozitës shqiptare. Ka një debat normal sipas të cilit njeriu i fundit që mund të ishte i interesuar për një akt të tillë është Edi Rama. Në fakt ata që e kanë të sinqertë këtë mendim janë fatkëqinj të mashtruar nga Rama, të cilët marrin normalen për jo normale, dhe jo normalen për normale.

Ju them që nuk ka njeri më të interesuar për atë akt dhe e organizoi vetë ai. Nuk ishte një goditje, atentat, apo sido që ta quajmë kundër Sali Berishës, jo. Ai ishte një përllogaritje diabolike ndaj opozitës shqiptare, e llojit të të jatit të vet për opozitën që guxoi të thërrasë protestën ditën e samitit. Dëshmoi se opozita kishte marrë një nga vendimet më të drejta në historinë e saj, thirrjen e asaj proteste”, ka deklaruar Berisha./ CNA.al





Lajmet e fundit nga