web counter
LEXO PA REKLAMA!

SHKARKO APP

App Store
Google Play

E fundit!

x

“Një skandal ”/ Spahiu ‘shuplakë’ Ministrisë së Jashtme: Shantazh diplomatik ndaj Yuri Kim

14 Dhjetor 2022, 20:00, Aktualitet CNA
“Një skandal ”/ Spahiu ‘shuplakë’
Analisti Kreshnik Spahiu

Analisti Kreshnik Spahiu e ka cilësuar si një skandal, që nuk kishte ndodhur që nga koha e diktatorit Enver Hoxha, faktin që Ministria e Jashtme të merrte kompetencat e DASH dhe të merrej me afatet e mandatit të ambasadores amerikane në Shqipëri, Yuri Kim.

Gjatë një interviste në Euronews, Spahiu tha se ky njoftim nuk është bërë rastësisht nga ana e Minsitrisë së Jashtme, madje e ka quajtur shantazh diplomatik.

“Fatkeqësisht, Ministria e Jashtme e Republikës së Shqipërisë, mori kompetencat e Departamentit amerikan të Shtetit, në kapërcim të kompetencave ligjore dhe në thyerje të etikës diplomatike. Ministria e Jashtme e Republikës së Shqipërisë u mor me afatet e mandatit të ambasadores amerikane. Ky ishte një skandal që nuk kishte ndodhur në kohën e Enver Hoxhës. Enver Hoxha u jepte drejtim ose i mbyllte fare marrëdhëniet diplomatike, por nuk thoshte, të merrej me emërimin dhe shkarkimin e ambasadorëve të huaj.

Koha tregoi që Ministria e Jashtme e Republikës së Shqipërisë nuk e bëri rastësisht këtë shantazh diplomatik. Së pari, Ministria e Jashtme e Republikës së Shqipërisë ka 90% të ambasadorëve shqiptarë, që i ka nëpër botë, që i ka në nomeklaturën e saj përtej afateve ligjore dhe proceduriale, të cilët kanë kaluar të gjithë afatin 3-vjeçar. Çuditërisht, Ministria e Jashtme socialiste në Shqipëri, nuk deklaron se kush janë ambasadorët shqiptarë që kanë mbaruar mandatin, por merret me ambasadoren amerikane, mandati i të cilit është kompetencë e DASH-it”, theksoi ai./ CNA.al





Lajmet e fundit nga