E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Martinaj u kriminalizua me ardhjen në pushtet të PS?”/ Prençi: Rama flet si palë e grupit kundërshtar

14 Dhjetor 2022, 20:42, Aktualitet CNA

“Martinaj u kriminalizua me ardhjen në pushtet të PS?”/

Foto ilustruese, Ervis Martinaj

Ish-drejtuesi i lartë i policisë, Shemsi Prençi, ka folur në lidhje me zhdukjen e “mbretit të lojërave” të fatit Ervis Martinaj dhe deklaratat e kryeministrit Edi Rama për këtë çështje.

Në emisionin e gazetares Klodiana Lala, Prenci tha se Martinaj u kriminalizua pas ardhjes në pushtet të Partisë Socialiste, ku sipas tij një pjesë e botës së krimit u vërsulën për t’i marrë një pjesë të aksioneve me ndihmën e partisë.

Ndër të tjera, ai ka përmendur deklaratat e Ramës, kur prezantoi në detyrë, drejtorin e Përgjithshëm të Policisë së Shtetit, Muhamet Rrumbullakun, ku sipas Prençit, ka folur sikur të ishte palë me grupin kundërshtar të Ervis Martinajt.

“Numëruar në ditë kalendarike nesër janë plot 100 ditë që kur Rama prezantoi drejtorin e ri të policisë. Dimë gjithçka mbi rekrutimet në polici, normat e shkeljet që janë bërë në procedurë, dhe suportin që politika i ka bërë disa oficerëve, duke kapërdirë edhe gjëra të pamundura për ti ofruar poste.

Do ta lidh me dy ngjarje vendimtare në polici, thënien e artë të kryeministrin “Kokën hëngshnin”, sloganin “Policia që duam që fshehu rekrutime të një organizate në shërbim të organizatave kriminale”. Rama i drejtohet Rrumbullakut: Tashmë duhet të marrë fund enigma e personit në kërkim. Ju keni dy aksioma, nëse është i vrarë duhet ta gjeni, nëse është i gjallë ta kapni e ta çoni para drejtësisë.

Tek versioni i parë nuk thotë duhet të gjeni fajtorin. Kryeministri flet sikur të jetë palë e një grupi kundërshtar të Ervis Martinaj.

Martinaj deri para 10 vitesh nuk ishte personazh i botës së krimit. U kriminalizua pas ardhjes në pushtet të PS kur një pjesë e botës së krimit u turrën për ti marrë aksionet me ndihmën e partisë, madje edhe nga familjarë të pushtetit.

Dëshiroj Ervis Martinaj të jetë gjallë që tu tregojë sa u kushton policia. Drejtor Policia kam qenë edhe unë por numrin tim nuk e kanë pasur pjesëtarë të botës së krimit”, ka deklaruar ai./ CNA.al