E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

Pezullohen hetimet për dosjen "Xibraka"/ SPAK: S'ka prova për përfshirjen e Olsi Ramës

10 Janar 2025, 17:51, Aktualitet CNA

Pezullohen hetimet për dosjen "Xibraka"/ SPAK: S'ka prova

Olsi Rama

Prokuroria e Posaçme ka pezulluar hetimet për mungesë provash për lidhjet e dënoncuara të vëllait të kryeministrit Edi Rama, Olsi Ramës me dosjen "Xibraka", çështje e rihapur pas depozitimit të informacioneve nga Deputeti i Partisë Demokratike, Gazment Bardhi.

Në njoftimin e SPAK thuhet se nuk ekzistojnë fakte dhe prova që lidhin Olsi Ramën me aktivitetin kriminal për të cilin janë dënuar më parë disa persona

"Prokuroria e Posaçme kundër Korrupsionit dhe Krimit të Organizuar ka përfunduar hetimet për procedimin penal nr. 88 të vitit 2024, të regjistruar pas rifillimit të hetimeve të pezulluara të procedimit penal nr. 335/1 të vitit 2016. Ky procedim lidhej me veprat penale të “Prodhimit dhe shitjes së narkotikëve”, “Trafikimit të narkotikëve”, dhe “Kryerjes së veprave penale nga grupet e strukturuara kriminale”, të parashikuara në nenet përkatëse të Kodit Penal.

Hetimet rifilluan pas administrimit të një informacioni të dërguar nga deputeti Gazment Bardhi, i cili pretendoi përfshirjen e shtetasit, Ols Rama në veprimtari të paligjshme. Në kuadër të këtyre hetimeve, SPAK ka kryer një sërë veprimesh hetimore, përfshirë bashkëpunimin me autoritetet kompetente të Kosovës.

Nga hetimet ka rezultuar se nuk ekzistojnë prova apo fakte që të lidhin shtetasin Ols Rama me aktivitetin kriminal, për të cilin janë dënuar më parë disa individë. Gjithashtu, nuk janë identifikuar autorë të tjerë të mundshëm për veprat penale në fjalë.

Në përputhje me nenin 326 të Kodit të Procedurës Penale, më datë 23 dhjetor 2024, është vendosur pezullimi i hetimeve për procedimin penal nr. 88 të vitit 2024, pasi autorët e tjerë të veprave penale nuk janë identifikuar. Dosja i është dërguar Drejtorisë së Përgjithshme të Policisë së Shtetit për të vijuar përpjekjet për identifikimin e autorëve", thuhet në komunikatën e SPAK

Olsi Rama është paraqitur dy herë në SPAK ku u pyet nga Prokurorët e Posaçëm si person në dijeni. Kujtojmë se pas rihapjes së hetimeve nisi dhe një përplasje e ashpër politike mes kryeministrit Rama dhe deputetit Bardhi si në distancë dhe në sallën e Kuvendit./CNA