web counter
LEXO PA REKLAMA!

SHKARKO APP

App Store
Google Play

E fundit!

x

Përfundon protesta para Bashkisë Tiranë/ Reagimi ndaj BE-së dhe paralajmërimi për Veliajn

6 Shtator 2024, 12:48, Aktualitet CNA
Përfundon protesta para Bashkisë Tiranë/ Reagimi ndaj BE-së
Protesta para Bashkisë Tiranë

Protesta e sotme para Bashkisë së Tiranës ka zgjatur mbi 1 orë e gjysmë. Qindra qytetarë u shfaqën të vendosur për të larguar Erion Veliajn nga ky institucion. 

Ata e quajtën atë hajdut dhe të korruptuar që di vetëm të vjedhë.

Protesta ishte e qetë, nuk pati incidente. Vetëm në një moment, protestuesit hodhën qese me plehra në oborrin e bashkisë, në shenjë revolte për mbetjet që kanë pushtuar Tiranën javët e fundit. 

Në fjalën e tij, drejtuesi politik i PD-së për Tiranën, Belind Këlliçi u shpreh se është një tallje për shqiptarët që Zyra e Delegacionit të BE-së në Tiranë e fton Veliajn te hapja e Kolegjit të Evropës si një njeri të suksesshëm. 

Ai tha se Veliaj është një hajdut dhe mashtrues dhe nuk mund të prezantohet si shembull para studentëve ekselentë. 

Këlliçi tha gjithashtu se nuk do të dorëzohen derisa të largojnë Veliajn dhe ky i fundit të përballet me drejtësinë për skandalet dhe aferat në bashki. 

Ndërsa anëtari i Kryesisë, Grigels Muçollari tha se Tirana kryeqyteti i mbetjeve dhe se vendin mund ta shpëtojmë vetëm me protesta. 

Në të njëjtën linjë ishte edhe Dorian Teliti, i cili theksoi se dy godinat që duhet të zbrazen urgjentisht me revolta popullore është godina e Kryeministrisë dhe kjo e Bashkisë së Tiranës, pasi po vidhen qytetarët. 

Protestusit u shprehën të vendosur që protestat do të vijojnë deri në largimin e Veliajt nga ky institucion./CNA 

 





Lajmet e fundit nga