web counter
LEXO PA REKLAMA!

SHKARKO APP

App Store
Google Play

E fundit!

x

“Malet” me plehra në Tiranë/ Klodian Tomorri: Paguajmë 2.5 fish më shumë se në 2015 për mbetjet

5 Shtator 2024, 19:44, Aktualitet CNA
“Malet” me plehra në Tiranë/ Klodian Tomorri:
Gazetari Klodian Tomorri

Gazetari Klodian Tomorri ka folur për situatën alarmante të plehrave në kryeqytet.

I ftuar në emisionin "Task Forcë", Tomorri është shprehur se sot qytetarët paguajnë 2.5 fish më shumë për mbetjet se në 2015 dhe ndodhemi në situatën ku në zona të ndryshme të kryeqytetit kemi male me plehra.

Gazetari theksoi se në vitin 2015 qytetarët e Tiranës paguanin 12 milionë euro për mbetjet ndërsa sot paguajnë rreth 30 milionë dhe inceneratori nuk ekziston.

“Unë nuk e di cila ka qenë aryeja reale dhe ça qëllimi ka Erion Veliaj, por nëse flasim teorikisht, monopolizimi në një kompani të vetme, gjysmë publike do ta bënte më efiçente, por unë nuk mendoj se ata kanë patur këtë qëllim.

Mu duk e çuditshme ajo që Veliaj thotë, se neve na sabotoi njëra prej kompanive e cila la shërbimin para përfundimit të kontratës, etj, ajo që di unë është se aty kanë qenë 3 kompani të cilat janë totalisht të lidhura me mazhorancën.

Në vitin 2015, qytetarët e Tiranës paguanin 12 milionë euro për gjithë shërbimin e menaxhimit të mbetjeve, që do thotë, pastrimi dhe depozitimi në Landfill.

Për këtë vit, supozohet që shifra do arrijë deri në 30 milionë euro, pra nga 12 milion në 30 milion, është 2.5 fish.

Çfarë ka ndodhur që na është rritur ne kostoja me 2.5 fish?

Pra... janë vënë qytetarët të paguajnë 2.5 euro më shumë për shërbimin dhe sot plehrat na janë shpërndarë rrugëve dhe ngritur malet me mbetje, në çdo cep të kryeqytetit”, tha Tomorri./ CNA





Lajmet e fundit nga