web counter
LEXO PA REKLAMA!

SHKARKO APP

App Store
Google Play

E fundit!

x

Skandali me mikrokreditë/ Ministri i Financave i "drejton gishtin" Bankës së Shqipërisë

4 Shtator 2024, 13:05, Aktualitet CNA

Skandali me mikrokreditë/ Ministri i Financave i "drejton

Ministri i Financave, Petrit Malaj, në një konferencë për mediat u është përgjigjur pyetjeve të gazetarëve në lidhje me skandalin e mikrokredive.

Malaj tha se Ministria e Financave është e angazhuar për këtë çështje, por theksoi se institucionet financiare duhet të monitorohen nga Banka e Shqipërisë.

Sipas ministrit, Banka e Shqipërisë do të duhet të bëjë ndryshimet e veta rregullatore në mënyrë që të përmirësojë pjesën e monitorimit të aktivitetit të institucioneve financiare jobanka.

"Për sa u përket çështjeve të mikrokredive kjo është një çështje që Ministria e Financave është e angazhuar, por duhet të kuptoni që institucionet financiare jobanka, janë institucione të cilat monitorohen dhe duhet të monitorohen nga Banka e Shqipërisë. Kjo është një çështje që ne jemi në komunikim me Bankën e Shqipërisë për të parë se cilat ndryshime ligjore janë të nevojshme nga krahu i Ministrisë së Financave që duhet të adresojmë, po nga ana tjetër edhe Banka e Shqipërisë do të duhet të bëjë ndryshimet e veta rregullatore në mënyrë që të përmirësojë pjesën e montitorimit të aktivitetit të institucioneve financiare jobanka”, tha ministri i Financave./ CNA

 

 





Lajmet e fundit nga