web counter
LEXO PA REKLAMA!

SHKARKO APP

App Store
Google Play

E fundit!

x

“Duhen para dhe investime”/ Fidel Ylli-qeverisë: Duhet të rritet buxheti për sportin

4 Shtator 2024, 10:17, Aktualitet CNA
“Duhen para dhe investime”/ Fidel Ylli-qeverisë: Duhet të
Kreu i Komitetit Olimpik Kombëtar Shqiptar, Fidel Ylli

Kreu i Komitetit Olimpik Kombëtar Shqiptar, Fidel Ylli, ka deklaruar sot në ceremoninë e shpërndarjes së medaljeve për sportistët që ngritën lart emrin e Shqipërisë në Lojërat Olimpike të Parisit se sporti nuk do vetëm pasion dhe talent, por do para dhe investime.

Fidel Ylli i është drejtuar qeverisë që duhet të ketë prioritet rritjen e buxhetit për sportin, pasi nuk mund të sigurohen medalje me buxhetin e 20 viteve më parë.

Ylli ka theksuar se investimet dhe buxheti duhet të rriten tani, pasi nuk ka më kohë për të humbur.

“Sporti nuk bëhet vetëm me talent dhe pasion ka nevojë për para dhe investime.

Ato para dhe investime nuk mjaftojnë, në shumë raste shpenzohen dhe rezultate nuk ka nëse nuk shpenzohen në mënyrën e duhur.

Nuk mund të lejojmë që sot në 2024 të bëjmë gabimet e 30 viteve më parë kur sportistët merrnin rrugën për të garuar për vende të tjera. Nuk i trembemi të shkuarës se kemi një ligj më të mirë për sportin.

Kur sheh shtetet fqinje që kanë disa herë më të madh buxhetin qeveria duhet të kthejë në prioritet rritjen e buxhetit. Nuk mund të sigurojmë medalje me buxhetet e 20 viteve më parë.

Nuk mund të presim momentin perfekt për të fituar, por nuk duhet të humbim kohë. Këto investime duhen bërë sot. Këto buxhete duhen tani”, tha Fidel Ylli./ CNA





Lajmet e fundit nga