web counter
LEXO PA REKLAMA!

SHKARKO APP

App Store
Google Play

E fundit!

x

“Fytyra e vërtetë e turizmit”/ Denoncon PD: Shkarkimet e ujërave të zeza në dete, rrezik infeksionesh

3 Shtator 2024, 14:30, Aktualitet CNA
“Fytyra e vërtetë e turizmit”/ Denoncon PD: Shkarkimet e
Floriana Garo

Partia Demokratike ka denoncuar në lidhje me ndotjen e plazheve dhe shkarkimet e ujërave të zeza në dete.

Sot, në një deklaratë për mediat, ka folur për të dhënat e raportit që tregojnë se cilësia e ujrave është më e ulët në krahasim me 7 vitet pararendëse.

Sipas PD-së është rritur numri i stacioneve të kategorisë D, cilësisë së keqe të ujërave për të gjithë këtë periudhë.

Raporti thekson se faktori kryesor i ndotjes së ujërave bregdetare mbeten shkarkimet e ujërave të zeza të patrajtuara në mënyrë direkte dhe indirekte.

Zëdhënësja Floriana Garo tha se kjo është fytyra e vërtet e turizmit, jo ajo që propagandojnë Edi Rama, Mirela Kumbaro dhe zëdhënësit e qeverisë.

“Pjesa dërrmuese e ujërave të plazheve shqiptare, sipas një monitorimi të Agjencisë Kombëtare të Mjedisit për vitin 2023, janë përkeqësuar në krahasim me vitet pararendëse.

Kjo do të thotë më shumë ujëra të ndotura, më shumë rrezik infeksionesh, dhe rënie të cilësisë së jetës për shqiptarët dhe të huajt.

Sipas raportit monitorues, numri i stacioneve të kategorisë A – Cilësisë shumë të mirë të ujërave, për plazhet e monitoruara për vitin 2023 është më i ulët në krahasim me 7 vitet pararendëse nga 2016 deri në 2022.

Ndërkohë ka ardhur në rritje numri i stacioneve të kategorisë D – cilësisë së keqe të ujërave për të gjithë këtë periudhë.

Raporti thekson se faktori kryesor i ndotjes së ujërave bregdetare mbeten shkarkimet e ujërave të zeza të patrajtuara në mënyrë direkte dhe indirekte.

Më të ndoturit janë plazhet e Durrësit të cilat për vitin 2023, sipas rezultateve baktereologjike kanë 11 pika monitorimi në kategorinë D, d.m.th. të cilësisë së keqe, krahsuar me 7 pika të kategorisë B, dhe 3 pika të kategorisë C.

Në një shumatore të përgjithshme, të gjitha plazhet e vendit nga veriu në jug, kanë pasur ulje të cilësisë d.m.th. shtim të ndotjes.

Partia Demokratike e ka denoncuar në vijimësi ndotjen e ujërave, derdhjen në dete, lumenj dhe liqene të ujërave të zeza si pasojë e keqmenaxhimit, korrupsionit dhe babëzisë së pushtetit qendror dhe vendor.

Ne kemi dënuar gjithashtu një vendim të qeverisë për të detyruar hotelet dhe resortet në bregdet për të blerë impiante të ujërave të zeza me kosto mbi 30 mijë euro. Kjo edhe pse ata kanë një kontratë me UKT i cili është enti publik që duhet të bëjë riciklimin, kanalizmin apo adresimin e ujërave të zeza të tyre.

Të detyruarit e bizneseve për të blerë impiante private nuk është përpjekje për të pastruar mjedisin, por e bërë për interesa të kompanive private të lidhura me pushtetin.

Fatkeqësisht, disa pronarë kanë gjetur si rrugë reagimi një veprim të papërgjegjshëm, që ua ka lejuar korrupsioni bashkiak dhe qeveritar. Kanë paguar 10 mijë euro nën dorë dhe i kanë derdhur ujërat e zeza në det.

Kjo është fytyra e vërtetë e turizmit, jo ajo që propagandon Edi Rama, Mirela Kumbaro dhe zëdhënësit e qeverisë", tha Garo./ CNA





Lajmet e fundit nga