web counter
LEXO PA REKLAMA!

SHKARKO APP

App Store
Google Play

E fundit!

x

Nesër protesta e 24-t para bashkisë/ Skenarë të rinj, protestuesit të vendosur për të larguar Veliajn

5 Shtator 2024, 12:31, Aktualitet CNA
Nesër protesta e 24-t para bashkisë/ Skenarë të rinj,
Foto nga protestat e mëparshme

Të premten, më 6 shtator, do të zhvillohet protesta e 24-t para Bashkisë së Tiranës, ku do të kërkohet dorëheqja e Erion Veliajt. 

Duke qenë se sot është shenjtërimi i Nënë Terezës dhe është ditë pushimi, protesta e Aleancës për Mbrojtjen e Teatrit dhe e opozitës do të zhvillohet të premten.

Dhjetëra dhe qindra qytetarë pritet të mblidhen sërish para Bashkisë së Tiranës për të kërkuar dorëheqjen e Erion Veliajt.

Pritet që në këtë protestë të ketë një format të ri.

Përtej vezëve dhe fytyrës së djegur të Erion Veliajt, mendohet se do të ketë skenarë të tjerë përpara Bashkisë së Tiranës.

Kujtojmë se protestat kanë nisur pas skandalit që ka mbërthyer bashkinë, ku shumica e drejtorëve kanë përfunduar në burg për shkak të abuzimeve me tenderët, por edhe për aferën e inceneratorëve

Për këtë të fundit, disa muaj më parë u mor në pyetje nga SPAK-u kryebashkiaku i Tiranës, Erion Veliaj.

Nga ana tjetër, drejtorët e Veliajt po hetohen si grup i strukturuar kriminal.

Në protestat e fundit nuk kanë munguar tensionet, përplasjet me policinë, pasi protestuesit kanë tentuar të futen brenda godinës së bashkisë.

Anëtarët e opozitës në Këshillin Bashkiak të Tiranës nuk janë lejuar që të futen në institucionin e bashkisë.

Qytetarët kanë paralajmëruar se protestat nuk do të ndalen deri në largimin e Veliajt nga bashkia./CNA 





Lajmet e fundit nga