web counter
LEXO PA REKLAMA!

SHKARKO APP

App Store
Google Play

Përfundon mbledhja e Grupit Parlamentar të PS-së/ Porosia e Ramës për deputetët

20 Qershor 2026, 16:30, Aktualitet CNA

Përfundon mbledhja e Grupit Parlamentar të PS-së/ Porosia e

Mbledhja e Grupit Parlamentar të PS-së, ku të pranishëm ishin dhe ministrat e qeverisë ka përfunduar, ndërsa kryeministri Edi Rama u largua më herët nga vendi ku u zhvillua takimi.

Raportohet se në mbledhje kryeministri, ju ka kërkuar deputetëve që të jenë më shumë prezent në rrjetet sociale dhe të nxjerrin punët që bën qeveria me argumentat përkatës.

Në fokus të diskutimeve në takimin që zgjati rreth pesë orë ishin zhvillimet e lidhura me Zvërnecin dhe protestat qytetare që po zhvillohen prej rreth 20 ditësh në Tiranë.

Kryeministri Edi Rama deklaroi se zhvillimet e fundit rreth projektit në Zvërnec janë shndërruar në një debat të gjerë publik dhe online, duke u kthyer, sipas tij, në një “histori paralajmëruese” për mënyrën si funksionon sot hapësira digjitale dhe politike. Ai u shpreh se në epokën e rrjeteve sociale një ngjarje lokale mund të shndërrohet shpejt në përplasje globale.

Sipas tij, ky fenomen nuk sjell më shumë dije apo mirëkuptim, por përkundrazi prodhon zemërime, identitete të polarizuara politike e fetare, si dhe përhapje të shpejtë të gënjeshtrave në raport me faktet dhe arsyetimet.

Rama e cilësoi situatën si një “histori paralajmëruese”, jo për mandatin e tij apo për shumicën qeverisëse, por për demokracinë në epokën e algoritmit, duke nënvizuar nevojën që, sipas tij, aktorët me përgjegjësi qeverisëse të lexojnë dhe kuptojnë më mirë këto dinamika.

Në fjalimin e tij nuk la pa ironizuar dhe opozitën, ku tha se i gënjeu mendja se atë që s'e bëri dot çadra e Lulit do ta bënte çadra globale e protestës. /CNA





Lajmet e fundit nga